raj thackeray, Sandeep Deshpande: संदीप देशपांडेंवर शिवाजी पार्कमध्ये स्टम्पने हल्ला, राज ठाकरे, अमित ठाकरे हिंदुजा रुग्णालयात – mns chief raj thackeray and amit thackeray at hinduja hospital to meet sandeep deshpande after attack at shivaji park mumbai

Sandeep Deshpande: मनसे नेते संदीप देशपांडे यांच्यावर टोळक्याचा स्टम्प आणि रॉडने हल्ला

राज ठाकरेंच्या घरापासून काही अंतरावरच हल्ला

मनसेप्रमुख राज ठाकरे यांचे शिवतीर्थ निवासस्थानही शिवाजी पार्क परिसरात आहे. संदीप देशपांडे हेदेखील शिवाजी पार्कमध्येच वास्तव्याला आहेत. आज सकाळी ते नेहमीप्रमाणे मॉर्निंग वॉकला पार्कात आले होते. त्यावेळी याठिकाणी दबा धरून बसलेल्या टोळक्याने स्टम्पच्या साहाय्याने त्यांच्यावर हल्ला चढवला. हल्लेखोरांनी संदीप देशपांडे यांच्यावर मागून हल्ला केला. हल्लेखोर देशपांडे यांच्या डोक्यात स्टम्प घालणार होते. मात्र, संदीप देशपांडे यांनी स्टम्पचा फटका हाताने अडवला. या झटापटीत त्यांच्या पायालाही दुखापत झाली.

मात्र, डॉक्टरांनी प्राथमिक उपचार करुन संदीप देशपांडे यांना डिस्चार्ज दिला आहे. संदीप देशपांडे हे व्हीलचेअरवर बसून रुग्णालयाबाहेर आले. त्यानंतर राज ठाकरे यांच्या ताफ्यातील गाडीत बसून ते घराकडे रवाना झाले. संदीप देशपांडे रुग्णालयातून निघेपर्यंत राज ठाकरे आणि अमित ठाकरे हिंदुजा रुग्णालयात थांबून होते. देशपांडे यांच्यावरील हल्ल्यानंतर पोलीस प्रशासन काय कारवाई करणार, हे पाहावे लागेल.