हल्लेखोर सीसीटीव्हीत कैद
संदीप देशपांडे यांच्यावर जवळपास चार जणांनी हल्ला केल्याची माहिती आहे. हल्लेखोर मारहाण करुन पळून गेले होते. देशपांडे यांच्यावरील हल्ल्यानंतर हल्लेखोरांनी पळ काढतानाचा व्हिडिओ समोर आला आहे. पोलिसांनी सीसीटीव्हीच्या माध्यमातून आरोपींचा शोध घेतला आहे. पोलिसांनी दोन जणांना काल रात्री उशिरा ताब्यात घेतलं असल्याची माहिती आहे. गुन्हे शाखेनं दोघांना भांडूपमधून ताब्यात घेतलं असल्याची माहिती आहे.
तिसरी कसोटी गमावली, चांगल्या फॉर्मची प्रतीक्षा, विराट कोहली महाकाल मंदिरात, अनुष्का शर्मा सोबतीला
दोन आरोपी ताब्यात इतर दोघांचा शोध सुरु
संदीप देशपांडे यांच्यावरील हल्ल्याप्रकरणी दोन आरोपींना भांडूप परिसरातून ताब्यात घेण्यात आलं आहे. मनसेचे प्रमुख राज ठाकरे यांनी रुग्णालयात जाऊन देशपांडे यांची भेट घेतली होती. पोलिसांनी सीसीटीव्ही फुटेज हाती लागल्यानंतर दोन जणांना ताब्यात घेतलं आहे. याशिवाय आणखी दोन जणांचा शोध घेतला जात आहे. दोघांच्या चौकशीनंतर हा हल्ला राजकीय वादातून झाला असण्याची शक्यता वर्तवली जात आहे.
‘रोग हल्याला, इंजेक्शन पखालीला’; तुटक्या एसटीच्या बेअब्रूनंतर कर्मचाऱ्यांवर निलंबनाची कारवाई
मनसेकडून निषेधाचे बॅनर
संदीप देशपांडे यांच्यावर चार हल्लेखोरांनी हल्ला केला होता. जे सीसीटीव्ही पोलिसांच्या हाती लागले आहेत. त्यामध्ये एका सीसीटीव्ही फुटेजमध्ये एक हल्लेखोर स्टंप टाकून निघून जात असल्याचं दिसून आलं. एकूण चार हल्लेखोर असल्याचं समोर आलं आहे. दादर परिसरात संदीप देशपांडे यांच्यावरील हल्ल्याचा निषेध करणारे बॅनर देखील लावण्यात आले आहेत.
दरम्यान, संदीप देशपांडे काल झालेल्या हल्ल्याबाबत आज दुपारी १२ वाजता पत्रकार परिषद घेऊन भूमिका स्पष्ट करणार आहेत.
महत्त्वाची बातमी! आता नवीन नियमानुसार होणार सोन्याची खरेदी-विक्री, जाणून घ्या काय बदललं
