या प्रकरणात तत्कालीन अध्यक्ष शेखर धोटे, मुख्य कार्यकारी अधिकारी विजय खेडीकर, संचालक रवींद्र शिंदे नंदाताई अल्लूरवार, पांडुरंग जाधव, ललित मोटघरे, प्रभाताई वासाडे, लक्ष्मी पाटील, अशोक वाहने, निवड समितीतील तीन अधिकारी, एमकेसीएलचे प्रतिनिधी अभंग आरोपी होते. राजकीय दबावामुळे या प्रकरणाची चौकशी संथ गतीने सुरू होती. दरम्यानच्या काळात माजी आमदार एड. वामनराव चटप यांनी या प्रकरणाची सीआयडी चौकशी करावी, यासाठी न्यायालयात याचिका दाखल केली होती.
फिर्यादी झाले आरोपी
बँकेच्या निवड समितीतील सदस्य असलेले रवींद्र शिंदे यांनी आर्थिक देवाणघेवाण संबंधित असलेला असलेला व्हिडिओ लाचलुतपत प्रतिबंधक विभागाकडे सादर केला होता. मात्र हा व्हिडिओ सादर करताना त्यांच्याकडून दिरंगाई झाली होती. त्यामुळे तक्रारकर्ते असतानाही शिंदे यांना आरोपी करण्यात आले.
जात पडताळणीसाठी आमदाराकडेच दोन कोटींची लाच मागितली, फडणवीसांचा समितीवर गंभीर आरोप
राज्यात सत्तांतर झाले अन्..
सन २०१३ मध्ये घडलेल्या या प्रकरणाची संथ गतीने चौकशी सुरू होती. राज्यात सत्तांतर झाले आणि या प्रकरणाची फाईल उघडण्यात आली. सहकार खात्याची परवानगी मिळताच गुरुवारी लाचलुचपत प्रतिबंधक विभागाने जिल्हा सत्र न्यायालयात या प्रकरणातील ११ आरोपींच्या विरोधात दोषारोप पत्र दाखल केले आहे.
युटीआय म्युच्युअल फंडचे खाजगीकरण थांबवा; खासदारांनी अधिवेशनात सवाल उपस्थित करा | विश्वास उटगी
