gularbrao patil, Jalgaon News: राष्ट्रवादीचा कट्टर कार्यकर्ता गुलाबराव पाटलांच्या मांडीला माडी लावून बसला, राजकीय चर्चांना उधाण – ncp leader sanjay pawar share dias with eknath shinde camp gularbrao patil at jalgaon event in maharashtra

जिल्हा बँकेच्या अध्यक्षपदासाठी बोलून दाखवली इच्छा

हेच ते राष्ट्रवादीचे संजय पवार की ज्यांनी अजित पवार यांच्या फोननंतर सुद्धा जिल्हा दूध संघाच्या निवडणुकीत महविकास आघाडीची साथ सोडून शिंदे गट व भाजपच्या पॅनलला पाठिंबा देत निवडणूक जिंकली होती. आता जिह्यात सगळ्यात मोठी व जुनी समजली जाणारी, तसेच दगडी बँक म्हणून तिची ओळख आहे त्या जिल्हा मध्यवर्ती सहकारी बँकेची अध्यक्षपदासाठी निवडणूक होत आहे. या जिल्हा बँकेवर अध्यक्ष होण्याबाबतही यावेळी राष्ट्रवादीचे संजय पवार यांनी मनोगत आधीच्या बोलून दाखवले. तसेच गुलाबराव पाटील यांनी ठरवले तर मी अध्यक्ष होऊ शकतो, तसेच त्यांनी नाही व्हायचं असं ठरवले तर मी नाही होऊ शकत नाही, अशी मिश्कील टिप्पणी यावेळी संजय पवार यांनी केली. दरम्यान मंत्री गुलाबराव पाटील यांनी कार्यक्रमात मनोगत व्यक्त करताना संजय पवार जिल्हा बँकेचे अध्यक्ष होतील, असे म्हटले. तर दुसरीकडे पत्रकारांशी बोलताना मात्र संजय पवार राष्ट्रवादी काँग्रेसचे असल्याने याबाबत त्यांचा पक्ष निर्णय घेईल अशी प्रतिक्रिया सुद्धा गुलाबराव पाटील यांनी दिली.