लातूरमध्ये खळबळ
माजी केंद्रीय गृह मंत्री शिवराज पाटील चाकुरकर यांच्या घरी चंद्रशेखर उर्फ हणमंत पाटील यांनी टोकाचं पाऊल उचलल्यानं लातूरमध्ये खळबळ उडाली आहे. लातूरमधील शिवराज पाटील चाकुरकर यांच्या देवघर येथील निवासस्थानी चंद्रशेखर पाटील यांनी स्वतःवर गोळ्या झाडून घेतल्याची माहिती समोर आली आहे. त्यांचं वय ८१ वर्ष असून ते शेती करत होते. चंद्रशेखर पाटील यांच्याकडे बंदुकीचा परवाना देखील होता, अशी माहिती आहे. त्यांच्या पश्चात दोन मुलं, सून, विवाहित मुलगी, जावई, नातवंडे असा परिवार आहे. ते किडनीच्या आजारानं त्रस्त होते अशी माहिती आहे.
या विषयाबद्दल माझा फारसा अभ्यास नाही, मांसाहारी भोजनानंतर देवदर्शनाबद्दल सुप्रिया सुळेंचं स्पष्टीकरण
कारण अस्पष्ट
चंद्रशेखर पाटील यांनी इतकं टोकाचं पाऊल नेमकं का उचललं याबाबत अद्याप कोणतीही माहिती समोर आलेली नाही. चंद्रशेखर पाटील यांच्या आत्महत्येनंतर लातूरमध्ये खळबळ उडाली असून त्यांनी हे पाऊल का उचललं याचं कारण अद्याप अस्पष्ट आहे.
हापूसप्रेमींसाठी खुशखबर, बाजारात आंब्यांची आवक वाढली, दररोज १० हजार पेट्या दाखल,ग्राहकांना दिलासा
पोलीस घटनास्थळी दाखल
चंद्रशेखर उर्फ हणमंत पाटील यांनी आज सकाळी ९ च्या सुमारास टोकाचं पाऊल उचललं. त्यांनी स्वत:वर गोळ्या झाडून घेतल्या. या घटनेची माहिती मिळताच लातूर पोलीस घटनास्थळी तातडीनं दाखल झाले आहेत. पोलिसांनी घटनास्थळी पंचनामा सुरु केला असल्याची माहिती आहे. दुसरीकडे शिवराज पाटील चाकूरकर यांच्या घराबाहेर रुग्णवाहिका देखील दाखल झाल्याच समोर आलं आहे.
दरम्यान, चंद्रशेखर पाटील यांच्या आत्महत्येनंतर लातूरमध्ये खळबळ उडाली आहे. पोलिसांनी या प्रकरणी तपास सुरु केला आहे. पोलिसांनी घटनास्थळी पंचनामा देखील केला आहे. पोलीस या प्रकरणी चौकशी करुन ही घटना नेमक्या कोणत्या कारणामुळं घडली हे कधी सांगणार याकडे सर्वांचं लक्ष लागलं आहे.
