संपूर्ण भाषणात उद्धव ठाकरे यांनी एकनाथ शिंदे यांना लक्ष्य केलं. राज्यात झालेलं सत्तांतर, शिवसेना आमदारांनी घेतलेली ठाकरेंविरोधातील भूमिका, शिवसेनेवर सांगितलेला दावा, निवडणूक आयोगाचा निकाल, तुटलेल्या एसटीवर आणि फुटलेल्या काचांवर केलेली शासनाची जाहिरात अशा मुद्द्यांवरुन उद्धव ठाकरेंनी मुख्यमंत्र्यांवर आसूड ओढले. तसेच एकनाथ शिंदे यांना हाताला धरुन शिवसेना संपविण्याचा डाल भाजपने आखला असं सांगताना भाजपवरही उद्धव ठाकरेंनी शरसंधान साधलं. एकंदरित गोरेगावच्या नेस्को मैदानावर केलेल्या भाषणाचा पुढचा अंक म्हणजे आजचं भाषण तडाखेबंद होतं, अशी चर्चा खेडमधील उपस्थितीत शिवसैनिकांमध्ये होती.
देशद्रोही बोललात तर जीभ हासडून देईल, ढेकणं चिरडायला गोळीबाराची गरज नाही, उद्धव ठाकरे गरजले
ठाकरेंच्या तडाखेबंद भाषणाला अंधारेंची दिलखुलास दाद
उद्धव ठाकरे ५० मिनिटे एकनाथ शिंदेंवर बरसत होते. भाषणाच्या शेवटी वाणीला पूर्णविराम दिल्यानंतर उद्वव ठाकरे डायसवरुन बाजूला सरकताच त्यांच्या भाषणाचं कौतुक करायला सुषमा अंधारे पुढे सरसावल्या. अंधारे पुढे आलेल्या पाहून, कसं काय झालं भाषण? अशी विचारणा उद्धव ठाकरे यांनी केली. त्यावर ‘व्वा उद्धवसाहेब… भाषण खूपच जोरात झालं..’ असं हातानेच खुणावत अंधारेंनी पक्षप्रमुखांच्या भाषणाला दिलखुलास दाद दिली. यावेळी दोघांच्याही चेहऱ्यावर स्मितहास्य होतं.
कोमात गेलेल्या पुत्रावर गुन्हा, गडाख म्हणतात, तो आजारी नसता तर त्याने तुमची भिंगरी केली असती!
