दरम्यान, मंदिरातून आणि रस्त्यावरील सीसीटीव्ही फुटेज तपासात संशयित आरोपी हा त्याच्या दुचाकीवरून (MH11 CN 2066) एका महिलेसह मुलाला घेऊन भुदरगड हद्दीतून कर्नाटक हद्दीत निपाणी, चिकोडी, अंकली, चिंचणी, मायाका, मार्गे मिरजकडे गेल्याचे आढळून आले. गाडीचा नंबर घेत तांत्रिक दृष्ट्या पोलिसांनी तपास करत माहितीच्या आधारे आरोपी हा पोलीस रेकॉर्डवरील गुन्हेगार असल्याचे समोर आले. संशयित आरोपी मोहन अंबादास शितोळे आणि पत्नी छाया शितोळे हे दोघे मूळचे (मेढा, जावळी) सातारा येथील असल्याचे निष्पन्न झाले. त्या आधारे तपास केल्यावर दोघेही सध्या सोलापूर जिल्ह्यातील सांगोला तालुक्यातील जवळी येथे राहत असल्याचे समोर आले.
दरम्यान, सांगोला पोलिसांना याबाबतची माहिती कळवत त्वरित सदर दोन्ही संशयित आरोपींना ताब्यात घेतले आणि सहा वर्षीय अल्पवयीन मुलाला ही ताब्यात घेऊन त्याच्या आई-वडिलांकडे सुखरूप पोहोचवले. पोलिसांनी अवघ्या ४८ तासांत संशयित आरोपींना ताब्यात घेत मुलाची सुखरूप सुटका केल्याबद्दल पोलीस अधीक्षकांकडून तपास पथकाला बक्षीस म्हणून पंचवीस हजार रुपयेही जाहीर केले आहे, अशी माहिती पोलिसांकडून मिळाली.
ट्रॅक्टरवर जाताना हादरे, अचानक प्रसूती कळा, रस्त्यावरच प्रसूती; खुरप्याने बाळाची नाळ कापली
दोन्ही संशयित आरोपी हे फिरस्ते असून त्यांचा ठावठिकाणा शोधून काढणे व लहान मुलाची सुखरूप सुटका करणे हे पोलीस पथकासमोर आव्हान होते. मात्र तांत्रिक माहितीच्या आधारे पोलिसांनी संशयितांना ताब्यात घेतले. ही कारवाई पोलीस अधीक्षक शैलेश बलकवडे व अप्पर पोलीस अधीक्षक जयश्री देसाई निकेश खाटमोडे उपविभागीय पोलीस अधिकारी गडहिंग्लजचे राजीव नवले यांच्या मार्गदर्शनाखाली स्थानिक गुन्हे अन्वेषण शाखेतील पोलीस निरीक्षक महादेव वाघमोडे, विनायक सपाटे, पोलीस अमलदार सुरेश पाटील, रणजीत पाटील, रामचंद्र कोळी, विनोद कांबळे, तुकाराम राजीगरे, अजय काळे, संजय पडवळ, अनिल जाधव सारिका मोटे यांनी संयुक्तरीत्या केली आहे.
बाप रे! मेडिकल शॉपमधून गुंगीकारक औषधांची होते अवैध विक्री, जिल्हाधिकाऱ्यांनी काढला तातडीचा उपाय
