tax planning, ITR भरताना होईल ५० हजाराची बचत; कोणतीही गुंतवणूक किंवा विम्याची गरज नाही; जाणून घ्या कसे… – tax saving guide save upto rs 50000 during itr filing no investment or insurance required

नवी दिल्ली : इन्कम टॅक्स भरण्याची वेळ जसजशी जवळ येत आहे, तसतशी बचत करण्यासाठी करदात्यांची धावपळी सुरु झाली आहे. यंदा तुम्ही नव्या कर प्रणालीत आयकर भरला तर तुम्हाला करबचतीच्या कमी संधी मिळतील, कारण या करप्रणालीत व्याजदर किंचित कमी आहे. दुसरीकडे, जुन्या करप्रणालीचा अवलंब करणार असाल तर तुम्हाला काही पर्यय मिळतील. यापैकी एक म्हणजे जुन्या करप्रणालीत तुम्हाला करबचत करण्यासाठी कोणतीही गुंतवणूक किंवा कोणत्याही विम्याची गरज नाही.

केंद्रीय अर्थसंकल्प २०२३-२४ मध्ये नवीन प्रणालीमध्ये आयकर भरणाऱ्यांसाठी मानक कपातीचा लाभ वाढवण्याची घोषणा करण्यात आली असून पगारदार व्यक्ती, निवृत्तीवेतनधारक आणि कौटुंबिक निवृत्तीवेतनधारक आता नवीन नियमानुसार मानक (स्टँडर्ड) कपातीचा लाभ घेऊ शकतात. तुमच्यापैकी बरेच जण कलम ८०सी, ८०डी, ८०डीडीबी आणि आयकर कायद्याच्या इतर तरतुदींनुसार दिलेल्या विविध कपातीची माहिती असेल. पण सर्व करदात्यांना कोणत्याही गुंतवणुकीशिवाय मानक वजावट मिळू शकते, माहित्ये का कसे?

सोन्यावरही करांचा बोजा; खरेदी करणार असाल तर वाचा, तुम्हाला कोणत्या प्रकारचे कर भरावे लागतात
आयकर अधिनियम १९६१ च्या कलम १६ नुसार प्रत्येक व्यक्तीला मानक कपातीचा फायदा दिला जातो. यावर दावा करण्यासाठी तुम्हाला कोणत्याही कागदपत्रांची गरज नाही. जर तुम्ही पेन्शनधारक देखील असेल तरीही तुम्हाला मानक कपातीचा लाभ मिळेल. विशेष म्हणजे यासाठी तुम्हाला कुठेही गुंतवणूक करण्याची किंवा कोणताही करण्याची गरज नाही.

टॅक्स लॉस हार्वेस्टिंग म्हणजे काय? शेअर बाजारात झालेल्या नुकसानीवर कर वाचवणे शक्य
स्टॅन्डर्ड कपात
महागाई लक्षात घेऊन सरकार वेळोवेळी मानक कपातीत बदल करते. आणि सध्या आयकर देयक ५० हजार रुपयांपर्यंतचे स्टँडर्ड डिडक्शन घेऊ शकतात. म्हणजे काहीही न करता तुम्ही आयकर भरताना किमान ५०,००० रुपयांची बचत करू शकता. याचा सर्वात मोठा फायदा म्हणजे केवळ ५० हजारांमुळे टॅक्स स्लॅब अंतर्गत येणाऱ्या लोकांना होईल कारण यामुळे आपले करपात्र उत्पन्न ५०,००० रुपयांपर्यंत कमी होते.

Tax Calculator: IT विभागाचे ‘टॅक्स कॅल्क्युलेटर’ जारी; आता घरबसल्या २ मिनिटांत करा इन्कम टॅक्सचा हिशोब
नवीन कर प्रणालीमध्ये सूट मर्यादा वाढली
यापूर्वी मानक कपात सुविधा फक्त जुन्या कर प्रणालीवर मिळायची पण, यंदाच्या अर्थसंकल्पात नवीन कर प्रणालीचा पर्याय निवडणाऱ्यांनाही याचा फायदा होणार आहे. म्हणजे यंदा तुम्ही कोणतीही कर व्यवस्था निवडली तरी तुम्हाला ५०,००० रुपयांच्या मानक कपातीचा लाभ मिळवू शकता. दरम्यान, नवीन आर्थिक वर्षात आयटीआर भरण्याची शेवटची तारीख ३१ जुलै आहे.