दोन तरुणांच्या रिल्स बनवण्याच्या नादात हुल्लडबाजी केल्यामुळे एका महिलेचा जीव गेला आहे. ही घटना ६ मार्चला संध्याकाळी साडेपाच वाजण्याच्या सुमारास महमंदवाडीतील कृष्णा नगरमध्ये घडली होती. या प्रकरणी दोघं तरुणांना वानवडी पोलिसांनी अटक केली आहे.
चौथ्या सामन्यासाठी पीच ठरणार किंगमेकर, दोन खेळपट्ट्या तयार, पाहा कोणाला लॉटरी लागणार
तस्लिम फिरोज पठाण (रा. बार्शी, सध्या रा. आदर्शनगर, देवाची उरळी) असं मृत झालेल्या महिलेचं नाव आहे. या प्रकरणी आयान शहानूर शेख आणि झाईद जावेद शेख (दोघेही रा. सय्यदनगर, हडपसर) अशी अटक केलेल्यांची नावे आहेत. पोलीस हवालदार जोतिबा कुरळे यांनी ही तक्रार दिली आहे.
नेमकी काय आहे घटना?
पोलिसांनी दिलेल्या माहितीनुसार, आरोपी आयान आणि झाईद मित्र असून ६ मार्चला कृष्णानगर परिसरात दुचाकीवर बसून रिल्स (व्हिडिओ) बनवत होते. त्यावेळी चालक आयान दुचाकीवर बसून वेगानं दुचाकी चालवत असताना झाईद व्हिडिओ रेकॉडिंग करत होता. त्याच परिसरातून जाणार्‍या तस्लिम पठाण यांना आयानने दुचाकीची जोरदार धडक दिली. त्यामुळे गंभीररित्या जखमी झालेल्या तस्लिम यांचा मृत्यू झाला. दरम्यान, गंभीर जखमी झालेल्या तस्लिम यांना रुग्णालयात दाखल न करता, दोन्हीही आरोपींनी पलायन केले. मात्र, वानवडी पोलिसांनी दोघं तरुण आरोपींना अटक केली आहे.साहेब लवकर निवडणूक जाहीर करा, आरक्षणानुसार लग्न करायचंय, तरुणाचं भन्नाट निवेदन…
