भारतीय शेअर बाजाराची स्थिती
सकाळी ९:१५ वाजता व्यवहार सुरू झाला तेव्हा बीएसई सेन्सेक्स आणि एनएसई निफ्टी निर्देशांक जवळपास स्थिर कामकाज करत होते. आजच्या व्यवहारात गुंतवणूकदारांच्या नजरा पुन्हा एकदा अदानीच्या शेअर्सच्या वाटचालीवर असतील. अदानीचे शेअर्स सलग ६ दिवसांपासून वाढ दर्शवत आहे. दुसरीकडे, बुधवारी FPIs ने ३ हजार ६७१ कोटी रुपयांची निव्वळ खरेदी केली, तर DII ९३७ कोटी रुपयांची निव्वळ विक्री केली.
Adani Stocks: अदानींची घसरण थांबली! एका रणनीतीने बदलली पूर्ण बाजी, गुंतवणूकदारांना पुन्हा ‘अच्छे दिन’!
कोणते शेअर्स तेजीत
अदानी समूहाच्या शेअर्समधील तेजीचे सत्र आता थांबण्याचे नाव घेत नाही आहे. समूहाचे शेअर्स आज सलग सातव्या दिवशी तेजीचा कल कायम ठेवला आहे. दुसरीकडे, सेन्सेक्सबद्दल बोलायचे तर सुरुवातीच्या व्यवहारात ९ कंपन्यांच्या शेअर्समध्ये घसरण झाली. रिलायन्स इंडस्ट्रीजमध्ये सर्वाधिक ०.७५ टक्के घसरण पाहायला मिळाली, तर टाटा स्टील आणि भारती एअरटेल सारख्या समभागांमध्ये १.७४ टक्क्यांपर्यंत वाढ होताना दिसली. याशिवाय आयटी शेअर्स तोट्यात आहे तर ऑटो शेअर्स सुरुवातीच्या ट्रेडमध्ये वाढ होताना दिसतेय.
घसरणीनंतर अदानी शेअर्सची सुसाट कमाई… आठवडाभरात एलआयसी-SBI ने कोट्यवधी छापले; पाहा काय घडलं
आठवडाभराची स्थिती
याआधी बुधवारी सलग तिसऱ्या दिवशी बाजारात तेजी पाहायला मिळाली असून आठवड्याच्या पहिल्या दिवशी म्हणजेच सोमवारी बीएसई सेन्सेक्स ४१५.४९ अंक किंवा ०.६९ टक्के वाढीसह ६०,२२४.४६ अंकांवर बंद झाला. तर मंगळवारी शेअर बाजारात होळीनिमित्त कामकाज बंद होते. त्यानंतर बुधवारी सेन्सेक्स १२३.६३ अंक म्हणजेच ०.२१ टक्क्यांच्या किंचित वाढीसह ६०,३४८.०९ अंकांवर तर निफ्टी ४२.९५ अंक किंवा ०.२४ टक्के वाढीसह १७,७५४.४० अंकांवर क्लोज झाला.
हाय रिस्क, हाय प्रॉफिट… अदानी शेअर्सवर पुन्हा तेजीचा रंग, गुंतवणूकदारांनी काय करावं?
जागतिक बाजारातील स्थिती
आंतरराष्ट्रीय बाजारातील स्थितीबद्दल बोलायचे तर बुधवारी अमेरिकन शेअर बाजारात संमिश्र कल दिसून आला. डाऊन जोन्स ०.१८ टक्क्यांनी घसरला, तर एस अँड पी ५०० निर्देशांक ०.१४ टक्के आणि नॅसडॅक कंपोझिट ०.४० टक्क्यांनी वधारला. याशिवाय आजच्या व्यवहारादरम्यान आशियाई बाजारात देखील किंचित वाढीसह कामकाज होताना दिसत आहे. हाँगकाँगच्या हँगसेंग फ्युचर्सने ०.२० टक्क्यांनी उसळी घेतली असताना जपानचा टॉपिक्स ०.०१ टक्के आणि दक्षिण कोरियाचा कोस्पी ०.३० टक्के किरकोळ वाढला.
