असा झाला दोन लग्नाचा भांडाफोड….
श्रीकृष्ण महिला एकत्र राहायला लागले. पण यादरम्यान श्रीकृष्ण काहीतरी कारण तसेच बहाणा करून दोन ते तीन दिवस बाहेरगावी जायला लागला. घर सोडून दर दोन-तीन दिवसांनी श्रीकृष्ण कुठे जातो? यामुळे पीडित महिलेला श्रीकृष्ण याच्यावर संशय आला. त्यानुसार नेमकं खरं काय ते जाणून घेण्यासाठी महिलेने श्रीकृष्णाचा एक दिवस पाठलाग केला. पाठलाग दरम्यान श्रीकृष्ण शहरातील अयोध्या नगरात एका घरात जाताना दिसला. श्रीकृष्ण घरातून बाहेर पडल्यानंतर पीडित महिला त्या घरात गेली. तिला त्या ठिकाणी दोन महिला दिसून आल्या. या दोन्ही महिलांचे आपल्या लग्नापूर्वीच श्रीकृष्ण सोबत लग्न झालेले असल्याचे कळाल्यावर पीडित महिलेला धक्काच बसला. महिलेने श्रीकृष्ण याला संबंधित दोन्ही महिलांबाबत विचारणा केल्यावर त्याची भंबेरी उडाली. आणि त्याने पीडित महिलेला उडवा उडवीची उत्तरं देत वेळ मारून नेली.
फेसबुकवर ओळख, मुलाचा लग्न करण्याचा हट्ट, मात्र मुलीने नकार देताच तरुणाचं धक्कादायक कृत्य
पीडितेने १९ लाख रुपये दिले
महिलेचा आपल्यावर चांगलाच विश्वास बसल्याचा फायदा घेत लग्नानंतर २०१७ ते २०१९ दरम्यान वाहनाचे थकीत हप्ते तसेच नवीन व्यवसाय करायचा आहे, अशी वेगवेगळी कारणं सांगत आरोपीने पीडित महिलेकडून पैसे उकळले. पीडित महिलेने पीडित महिलेनेही विश्वास ठेवत त्याने मागितल्या प्रमाणे त्याला वेळोवेळी पैसे दिले. असे एकूण १९ लाख १० हजार रुपये त्याला तिने दिले. आरोपीचा भांडाफोड झाल्यानंतर पीडितेने दिलेल्या पैशाची मागणी केली. मात्र अनेकदा मागणी करून तगादा लावूनही पैसे परत मिळत नसल्याने आपली मोठी फसवणूक झाल्याची पीडित महिलेची खात्री झाली. पैसे परत मिळावे, आणि फसवणूक करणाऱ्यावर कारवाई व्हावी यासाठी पीडित महिलेने न्यायालयाचा दरवाजा ठोठावला. अखेर न्यायालयाच्या आदेशानुसार महिलेची फसवणूक करणाऱ्या श्रीकृष्ण मेंगडे याच्याविरुद्ध फसवणुकीसह अत्याचाराच्या कलमान्वये बुधवारी शहरातील रामानंद नगर पोलीस ठाण्यात गुन्हा दाखल करण्यात आला आहे.पुतण्याचा अपघात, काळजीने काकाचा मृत्यू, सात दिवसांनी पुतण्यानेही अखेरचा श्वास घेतला, गाव स्तब्ध
