Maharashtra Budget: देवेंद्र फडणवीसांकडून ‘लेक लाडकी’ योजनेची घोषणा, १८ व्या वर्षी मुलींना मिळणार ७५ हजारविशेष गोष्ट म्हणजे महात्मा ज्योतिराव फुले जनारोग्य योजनेत २०० नवीन रुग्णालयांचा समावेश करण्यात आला आहे. त्यामुळे सामान्य नागरिकांना उपचार घेण्यासाठीच्या रुग्णालयांच्या पर्यायांमध्ये वाढ झाली आहे. तसेच मूत्रपिंड प्रत्यारोपण शस्त्रक्रियांचे लाभ २.५० लाखांहून चार लाखांपर्यंत वाढवण्यात आला आहे. याशिवाय, राज्यभरात ७०० स्व. बाळासाहेब ठाकरे आपला दवाखाने सुरु होणार असल्याची घोषणाही देवेंद्र फडणवीस यांच्याकडून करण्यात आली.
राज्यात १४ शासकीय वैद्यकीय महाविद्यालयांची बांधकामे
– राज्यात १४ ठिकाणी शासकीय वैद्यकीय महाविद्यालयांची बांधकामे करणार
– सातारा, अलिबाग, सिंधुदुर्ग, धाराशिव, परभणी, अमरावती, भंडारा, जळगाव, रत्नागिरी, गडचिरोली, वर्धा, बुलढाणा, पालघर, अंबरनाथ (ठाणे)
– मानसिक अस्वास्थ आणि व्यसनाधीनतेची वाढती समस्या पाहता जालना, भिवंडी, पुणे, नागपूर येथे नवीन व्यसनमुक्ती केंद्रे
– ठाणे आणि कोल्हापुरात अत्याधुनिक मनोरुग्णालये/ अर्थसंकल्पात ८५० कोटी रुपयांची तरतूद
