parbhani news bullcart accident, बैलगाडीला कारची जोरात धडक; सर्जा-राजाने प्राण गमावले, गाडीतील पिता-पुत्रही गंभीर जखमी – speeding car hits bullcart in parbhani, 2 ox died father and son injured

परभणीच्या पाथरी तालुक्यातील पोहेटाकळी येथील भगवान रोहिदास मगर आणि त्यांचा मुलगा वैभव भगवान मगर हे आपल्या शेतामधून बुधवारी रात्री नऊ वाजण्याच्या सुमारास बैलगाडी मधून चारा घेऊन गावाकडे येत होते. पोखरणी पाथरी महामार्गावरून औरंगाबादकडे जाणाऱ्या एका कारने त्यांच्या बैलगाडीला जोराची धडक दिली. त्यामुळे बैलगाडीचा एक बैल अपघात स्थळापासून १५ ते २० फूट दूर जाऊन पडला. सदरील अपघातामध्ये गंभीर दुखापत झाल्यामुळे या बैलाच्या जागीच मृत्यू झाला. तर गाडीला असलेल्या दुसऱ्या बैलाला अपघातामध्ये मार लागल्याने त्याच्यावर उपचार करण्यासाठी रुग्णालयात दाखल करण्यात आले. मात्र उपचार सुरू असताना दुसऱ्या बैलाचा देखील मृत्यू झाला.

पुण्यात शिवज्योत घेऊन जाणाऱ्या शिवभक्तांचा भीषण अपघात, ३५ जण जखमी
या अपघातामध्ये गाडीमध्ये असलेले बाप-लेक जखमी झाले आहेत. त्यांना उपचारासाठी रुग्णालयात दाखल करण्यात आले आहे. दरम्यान घटनेची माहिती मिळताच पोलिसांनी घटनास्थळी भेट देऊन पंचनामा केला आहे. घटनेचा अधिक तपास पोलीस करत आहेत. तर पोखरणी पाथरी महामार्गाचे काम शासनाकडून करण्यात आले असल्याने या रस्त्यावर वाहने वेगाने धावत आहेत त्यामुळे या रस्त्यावर अपघात होण्याचे प्रमाण वाढले आहे. अपघातामध्ये अनेक निष्पाप व्यक्तींना आपला जीव गमवावा लागत आहे. त्यामुळे या महामार्गावरील अपघात कमी करण्यासाठी प्रशासनाने योग्य त्या उपाययोजना कराव्यात अशी मागणी आता नागरिकांमधून केली जात आहे.

बीडमध्ये अघोरीपणाचा कळस! महिलेच्या मासिक पाळीचे रक्त घेतलं, अन् केलं भयानक कृत्य