Dead Fish Float In Krishna River | छोट्या-मोठ्या माशांपासून अगदी भले मोठे मासे नदीच्या पात्रात मृत आणि तडफडणाऱ्या अवस्थेत पाहायला मिळाले. साखर कारखान्यातून सोडलेल्या उसाच्या मळीमुळे हा प्रकार घडल्याचा संशय

 

Krishna River fish death in Sangli
कृष्णा नदीतील हजारो माशांचा मृत्यू

हायलाइट्स:

  • पलूस तालुक्यातल्या आमणापुरपासून सांगलीच्या हरिपूर संगमा पर्यंत जागोजागी मृत माशांचा खच
  • हजारो माशांचा तडफडून मृत्यू
सांगली: अंकली येथील कृष्णा नदीतील मासे मृत्यूनंतर स्वाभिमानी शेतकरी संघटना आक्रमक झाली आहे.संतप्त स्वाभिमानीच्या कार्यकर्त्यांनी सांगली महापालिका आयुक्तांच्या घरासमोर मृत मासे फेकले आहेत.आयुक्त सुनील पवार यांच्या बंगल्याच्या प्रवेशद्वारासमोर हे मृत मासे टाकण्यात आले आहेत.

गेल्या काही दिवसांपासून सांगलीच्या कृष्णा नदीतील पाणी प्रदूषणाचा मुद्दा ऐरणीवर आला आहे.महापालिका क्षेत्रातील लाखो लिटर सांडपाणी थेट नदी पात्रात मिसळत असल्याने नदी प्रदूषित होऊन मोठ्या प्रमाणात दुर्गंधी पसरली आहे. तर शुक्रवारी कृष्णा नदीत दत्त इंडीया संचालित वसंतदादा साखर कारखान्याचे मळी मिश्रित पाणी कृष्णा नदीत मिसळल्याने मोठ्या प्रमाणात नदी प्रदूषित होऊन अंकलीनजीक हजारो मासे मृत्यूमुखी पडल्याची घटना समोर आली. सदरच्या मृत माशांमुळे नदी आणखी मोठ्या प्रमाणात प्रदुषित झाली असून याचा फटका जयसिंगपूर शहरासह मिरज,अंकली व शिरोळ तालुक्यांतील वीस हून अधिक गावांना बसणार असल्याचा आरोप करत संतप्त झालेल्या स्वाभिमानी शेतकरी संघटनेच्या कार्यकत्यांनी सांगली महापालिका आयुक्त सुनील पावर यांच्या निवासस्थानी मृत मासे फेकले आहेत.
चिंतेत वाढ! कृष्णा नदीत ‘असे’ वारंवार का घडत आहे?, शेतकरी संघटनेचा आंदोलनाचा इशारा
शुक्रवारी रात्रीच्या सुमारास स्वाभिमानीच्या कार्यकर्त्यांनी जवळपास पाच पोती भरुन मृत मासे हे सांगली शहरातील आयुक्तांच्या बंगल्यासमोर असणाऱ्या प्रवेशद्वारावर फेकून निषेध नोंदवला आहे. तसेच गनिमी काव्याने येत्या दोन दिवसात प्रदुषण नियंत्रण मंडळ व प्रशासना विरोधात तीव्र आंदोलन करण्यात येईल, असा इशारा स्वाभिमानी शेतकरी संघटनेच्यावतीने देण्यात आला आहे.
सांगली: कृष्णाकाठी मृत माशांचा खच, मासे घेऊन जाण्यासाठी नागरिकांची झुंबड

प्रदूषण महामंडळाच्या कारभारावर प्रश्नचिन्ह

कृष्णा नदीतील हजारो माशांचा प्रदुषणामुळे तडफडून मृत्यू झाला. त्यामुळे नदीच्याकाठी मृत माशांचा खच पडला होता. अनेक नागरिकांनी या संधीचाही फायदा उठवत मासे भरभरून घरी नेले. मात्र, या सगळ्या प्रकारानंतर कृष्णा नदीतील प्रदूषण आणि पर्यावरणाविषयी चिंता व्यक्त केली जात आहे. अद्याप या माशांच्या मृत्यूचे कारण समोर आलेले नाही. प्रदूषण महामंडळाने नदीच्या पात्रातील पाण्याचे नमुने घेऊन तपासणीसाठी पाठवले आहेत. त्यामुळे आता यामधून काय निष्पन्न होणार आणि प्रदूषण महामंडळ दोषींवर कठोर कारवाई करणार का, याकडे सर्वांच्या नजरा लागल्या आहेत.

पिकांना भाव नाही, त्यात अवकाळी पाऊस; पिकं आडवी झाल्याचे पाहून शेतकऱ्याने घेतले तोंड झोडून

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

LEAVE A REPLY

Please enter your comment!
Please enter your name here