IND vs AUS 4th Test LIVE: कुहनेमनने दिला भारताला मोठा धक्का, १०० धावांच्या आत भारताची पहिली विकेट
यावेळी यूपी वॉरियर्सने त्यांचा १० गडी राखून त्यांचा धुव्वा उडवला.नाणेफेक जिंकून प्रथम फलंदाजी करताना आरसीबीचा डाव १९.३ षटकात केवळ १३८ धावांवर आटोपला. प्रत्युत्तरात यूपी वॉरियर्सने १३ षटकात बिनबाद १३९ धावा करत सहज विजय नोंदवला. कर्णधार एलिस हिलीने ४७ चेंडूत नाबाद ९६ धावा केल्या तर देविका वैद्य ३१ चेंडूत ३६ धावा करून नाबाद परतली.
एलिसा हिलीने आरसीबीविरुद्ध स्फोटक खेळी खेळली आणि अवघ्या २९ चेंडूत आपले अर्धशतक पूर्ण केले. यानंतर हीली अधिकच आक्रमक झाली आणि तिने ४७ चेंडूत ९६ धावा केल्या. हिलीने आपल्या खेळीत १८ चौकार आणि १ षटकार लगावला. म्हणजे १९ चेंडूत ७८ धावा केल्या.
हेलीला डब्ल्यूपीएलमधील पहिले शतक झळकावण्याची संधी होती परंतु त्याआधी यूपी वॉरियर्सने ७ षटके बाकी असताना १३९ धावांचे लक्ष्य गाठले. १३व्या षटकातील पाचव्या चेंडूवर हीलीने चौकार मारून ९५ धावांपर्यंत मजल मारली. तेव्हा विजयासाठी फक्त १ धावेची गरज होती. हिलीने षटकार मारण्याचा प्रयत्न केला पण तिला यश आले नाही आणि १ धाव घेऊन सामना संपवणे तिने योग्य समजले.
WPL 2023: मुंबईने दिल्लीवर मिळवला दणदणीत विजय, जाणून घ्या आता गुणतालिकेत कोणता संघ टॉपवर
शतक झळकावता आले नसले तरी डब्ल्यूपीएलमधील सर्वात मोठ्या धावसंख्येचा विक्रम हिलीने आपल्या नावे केला. ऑस्ट्रेलियाच्या दिग्गज फलंदाजाने दिल्ली कॅपिटल्सविरुद्ध नाबाद ९० धावा करणाऱ्या आपल्याच संघाच्या ताहलिया मॅकग्राचा विक्रम मोडला.
