सध्या या लीगमध्ये सर्वाधिक गोल करणाऱ्या खेळाडूंच्या यादीत संयुक्त अव्वल असणारा भारताचा कर्णधार हरमनप्रीतसिंगने ३०व्या मिनिटाला गोल करून भारताला आघाडी मिळवून दिली. त्याने पेनल्टी कॉर्नर सत्कारणी लावला. वर्ल्ड कपनंतर हरमनप्रीतच्या अपय़ाशावरही टीका झाली. मोठ्या स्पर्धांमध्ये कच खाणारा खेळाडू, अशा बोचरी शेरेबाजी हरमनप्रीतवर झाली.
आंतरराष्ट्रीय क्रिकेटला धोका, त्यांना वेळीच आळा घाला नाही तर…; MCC म्हणते, सावध व्हा…!
शुक्रवारी सामन्याच्या ४२व्या मिनिटास भारत ३-० आघाडीवर होता. जर्मनीकडून पॉल फिलिप कॉफमन आणि मिचेल स्ट्रूथऑफ यांनी अनुक्रमे ४४ आणि ५७व्या मिनिटाला गोल केले.
भारताकडून झालेले गोल
सुखजीत सिंग- ३१ आणि ४२ व्या मिनिटाला
हरमनप्रीत सिंग- ३०व्या मिनिटाला
न्यूड होऊन मैदानात घुसणाऱ्या किन्से वॉलांस्कीचा नवा कांड; यावेळी शेअर केला व्हिडिओ
जर्मनीकडून झालेले गोल
पॉल फिलिप कॉफमन- ४४व्या मिनिटाला
मिचेल स्ट्रूथऑफ- ५७व्या मिनिटाला
सामन्यातील अखेरच्या टप्प्यात भारताने संरक्षणात्मक खेळ केला. तर जर्मनीने गोलकीपरला बाहेर करत एक अतिरिक्त खेळाडूचा समावेश केला. भारताला अखेरच्या क्षणी पेनल्टी स्ट्रोक मिळाली पण हरमनप्रीतला गोल करता आला नाही. भारताने ही मॅच ३-२ने जिंकली आणि ३ गुण मिळवले. आता टीम इंडियाची पुढील लढत रविवारी ऑस्ट्रेलियाविरुद्ध होणार आहे. तर जर्मनीविरुद्धच्या दुसऱ्या टप्प्यातील लढत सोमवारी होईल.
