truck caught on fire, नागपुरात भंडारा रोडवर मसाल्याला बसला तडका, शॉर्ट सर्किटमुळे ट्रकला भीषण आग – truck caught on fire caused by a short circuit on bhandara road in nagpur

नागपूर भंडारा रोडवर बर्निंग ट्रकचा थरार बघायला मिळाला. ट्रकमध्ये शॉर्ट सर्किट झाल्यामुळे ही भीषण आग लागली. हा ट्रक मसाले (तेजपान) घेऊन जात होता. याच दरम्यान शॉर्ट सर्किट झाल्यामुळे ट्रॅकला भीषण आग लागली. संबंधित घटना ही भंडारा रोड, सुरूची मसाले कंपनी, उमिया धाम, नाका नं. ०५ येथे घडली. या घटनेत सुदैवाने चालक आणि त्यासोबत असणाऱ्या एका व्यक्तीचा जीव वाचला आहे. घटनेचं गांभीर्य ओळखून त्यांनी ट्रकमधून लगेच उडी मारल्याने ते बचावले.

नागपुरात स्पर्धा परीक्षेची तयारी करणाऱ्या तरुणीची आत्महत्या, नाझियाने असं का केलं?
हा ट्रक मसाले घेऊन जात होता. शॉर्ट सर्किटमुळे ट्रॅकला भीषण आग लागली. बघता बघता आगीत मसाल्याचे पोते आणि ट्रक जळू लागल्याने चालकाने वेळीच ट्रक उभा केला. या घटनेची माहिती अग्निशमन विभागाला कळवण्यात आली. यानंतर अग्निशमन दलाचे पथक तातडीने घटनास्थळी दाखल झाले. पण अग्निशमन दलाचे पथक दाखल होईपर्यंत ट्रकचे केबिन जळून खाक झाले होते. आगीच्या घटनेमुळे दोन्ही बाजूची वाहतूक खोळंबली होती. आगीत कोणतीही जीवितहानी झाली नाही. मात्र यात ट्रकचे आणि मालाचे मोठे नुकसान झाले आहे.
ती घराबाहेर झाडू मारत होती, एवढ्यात दुचाकी आली आणि…, लाल हेल्मेटने खेळ केला खराब