काय आहे संपूर्ण प्रकरण?
मिळालेल्या माहितीनुसार रेल्वेचे साहित्य चोरीच्या प्रकरणात तक्रारकर्त्याच्या वडिलांवर कारवाई करण्यात आली होती. या कारवाईतून सुटका झाल्यानंतर कायमस्वरुपी सुटका करण्यासाठी नांदेड रेल्वे मंडळांतर्गत येत असलेल्या आरपीएफचे निरीक्षक मुकेश कुमार मीना या अधिकाऱ्याने अकोला रेल्वे स्थानकावरील गुरुकृपा एंटरप्रायजेसमध्ये कामाला असलेला सुरेश चंदन याच्या माध्यमातून तीन लाख रुपयांच्या लाचेची मागणी केली होती. मात्र, तक्रारदाराला लाच द्यायची नसल्याने त्यांनी या प्रकरणाची तक्रार नागपूर येथील सीबीआय कार्यालयात केली. या तक्रारीची त्यांनी पडताळणी केली असता लाचेची मागणी होत असल्याचे समोर आले. त्यानंतर यामधील एक लाख रुपयांची रक्कम घेण्याचा व्यवहार ठरला.
VIDEO: श्रीकर भरतने कॅमेरून ग्रीनला भरदिवसा दाखवले तारे, उभ्या-उभ्या लगावले दोन गगनचुंबी षटकार
शुक्रवारी रात्री उशिरा अकोला रेल्वे स्थानकावर आरपीएफ निरीक्षक मुकेश कुमार मीना आणि सुरेश चंदन यांनी एक लाख रुपयांची लाच स्वीकारली, त्यावेळी त्यांना सीबीआयच्या पथकाने लागलीच अटक केली. काल या दोन्ही लाचखोर आरोपींना अमरावतीच्या सीबीआयच्या न्यायालयासमोर हजर केले असता न्यायालयाने दोघांनाही १४ मार्चपर्यंत पोलिस कोठडी सुनावली आहे.मुंबईवरुन पुणे गाठता येणार फक्त ९० मिनिटांत; मुंबई-ट्रान्स हार्बर लिंक कधी सुरु होणार? वाचा
दरम्यान, खासगी व्यक्ती सुरेश चंदन यालाही अटक करून आणखी मध्यस्थी करणारा सय्यद मुजमीर अशा तिघांविरूद्ध गुन्हा दाखल आहे. ‘सीबीआय’चे अधिकारी या प्रकरणी तपास करीत आहेत.
मोठी बातमी! भाजप आमदार बंटी भांगडियांवर विनयभंगाचा गुन्हा दाखल
ठाकरेंच्या आमदारांच्या घोषणा ऐकून मुख्यमंत्री थांबले, चर्चा केली अन् काही सेकंदातच मागणी मान्य झाली
