yes bank share, महत्वाची बातमी! Yes बँकेचा लॉक-इन कालावधी संपला; शेअरच्या किमतीत मोठ्या घसरणीची भीती – yes bank 3-year lock-in period ends today fear of stock price likely

नवी दिल्ली : खाजगी क्षेत्रातील येस बँकेत लाखो गुंतवणूकदारांचे पैसे अडकले आहेत. त्यामुळे आठवड्यातील पहिला व्यवहार दिवस सर्व गुंतवणूकदारांसाठी अधिक महत्वाचा आहे. कारण आज बँकेचा तीन वर्षांचा लॉक-इन कालावधी संपला आहे. अशा स्थितीत लॉक-इन कालावधी संपताच लहान आणि मोठे गुंतवणूकदार बँकेच्या शेअर्सची मोठ्या प्रमाणात विक्री करू शकतात कारण ते येस बँकेच्या शेअर्समध्ये गेल्या तीन वर्षांपासून अडकले आहेत, अशी भीती व्यक्त केली जात आहे.

देशातील सर्वात मोठी बँक स्टेट बँक ऑफ इंडियासह (एसबीआय) अनेक आघाडीच्या खाजगी क्षेत्रातील बँकांचा यात हिस्सा आहे. त्यांनी शेअर्स विकण्याचा निर्णय घेतल्यास त्याचा परिणाम किंमतीवर होऊ शकतो. या आठवड्याच्या शेवटच्या ट्रेडिंग दिवशी येस बँकेचे शेअर्स १६.५५ रुपयांवर बंद झाले.

Share Market Opening: शेअर बाजारात संमिश्र सुरुवात; सेन्सेक्स घसरला, निफ्टीची मात्र उसळी
लॉक इन कालावधी संपला
‘येस बँक रिकन्स्ट्रक्शन स्कीम २०२०’ अंतर्गत १३ मार्च २०२० रोजी एका अधिसूचनेद्वारे अर्थ मंत्रालयाने १०० पेक्षा जास्त शेअर्स असलेल्या शेअर्स असलेल्या शेअर्सधारकांचे ७५% शेअर्स तीन वर्षांसाठी लॉक-इन केले. याशिवाय ॲक्सिस बँक, आयसीआयसीआय बँक आणि आयडीएफसी फर्स्ट बँकेसाठी १३ मार्च २०२३ पर्यंत लॉक इन कालावधी आहे.

IPO बाजार बहरणार, गुंतवणूकदारांना लवकरच कमाईचा मोका; जाणून घ्या सविस्तर माहिती
येस बँकेत इतर बँकांची हिस्सेदारी किती?
डिसेंबर २०२२ तिमाहीच्या शेअरहोल्डिंग पॅटर्ननुसार एसबीआयकडे येस बँकेचे ७,५१,६६,६६,००० इक्विटी शेअर्स आहेत. म्हणजेच २६.१४ टक्के शेअर्स आहेत. येस बँकेतील आयडीएफसी फर्स्ट बँकेकडे २८,८६,२७,६८० शेअर्स (१ टक्के), अॅक्सिस बँकेकडे ४५,२२,१०,४५८ शेअर्स (१.५७%) आणि आयसीआयसीआय बँकेकडे ७५,००,५९,९०० शेअर्स (२.६१ टक्के), एलआयसीकडे १,२४,८३,६५,९८८ शेअर्स (४.३४ टक्के) आहे. येस बँकेचे १०० टक्के शेअर्स लोकांकडे आहेत म्हणजेच प्रवर्तकांकडे कोणतेही शेअर्स नाहीत.