यामध्ये आरोपी सद्दु उर्फ सादिक मुल्ला सलीम मुल्ला व घटनेतील मृतक प्रहार पक्षाचे युवा जिल्हापदाधिकारी तथा विद्यमान नगरसेवक अनिकेत गावंडे हे दोघे घटने अगोदर एकत्रितच राहायचे. काही दिवसाअगोदर सद्दु उर्फ सादिक मुल्ला यांनी अनिकेत गावंडे यांच्याकडून ट्रक दुरूस्तीसाठी २१ हजार रूपये उसनवारीने घेतले होते.
घेतलेली उसनवारीची रक्कम परत मागण्यासाठी रात्रीच्या सुमारास अनिकेत गावंडे हे मिटणापूर येथील सद्दु उर्फ सादिक मुल्ला यांच्या घरी गेले असता उसनवारीच्या पैशावरून यांच्यात वाद निर्माण झाला. वाढलेला वाद हा विकोपाला गेला. या वादात तिघांनी अनिकेतवर धारदार शस्त्राने छातीवर, मानेवर वार करून गंभीर जखमी केले. सोबतच लाथा बुक्क्यानेही प्रहार केला. गंभीररित्या जखमी झालेल्या अनिकेत विलास गावंडे यांना उपचारासाठी यवतमाळ येथे नेत असताना वाटेतच त्यांचा मृत्यू झाला.
घटनेची वार्ता शहरात पसरताच काही काळ तणाव सदृश परिस्थिती निर्माण झाली होती. घटनेची फिर्याद मृतकाचा भाऊ शुभम विलास गावंडे यांनी बाभूळगाव पोलीस ठाण्यात दिली. तिन्ही आरोपींना बाभुळगाव पोलिसांनी सकाळच्या दरम्यान अटक केली. दरम्यान आज ( ता . १३ ) रोजी मृतक अनिकेत गावंडे यांच्यावर शहरातील हिंदु स्मशानभूमीत अंतिम संस्कार करण्यात आले. अनिकेत गावंडे यांच्या अंतविधी यात्रेत प्रचंड जनसमुदाय सहभागी होता. विपरीत घटना होवू नये म्हणून पोलीसांचा फौजफाटा यावेळी उपस्थित होता.
विहिरीच्या पाण्याचा वाद जीवावर बेतला, सांगलीत काका-पुतण्याची हत्या
कोण होते अनिकेत गावंडे?
अनिकेत गावंडे यांना गुन्हेगारी पार्श्वभूमी होती. पैसे कमवण्यासाठी त्यांनी रेती व्यवसायात प्रवेश केला. तिथे प्रचंड स्पर्धा आहे. यातून वादविवाद होत असतात. रेती व्यवसायातून पैसे कमवल्यानंतर अनिकेत यांनी राजकारणात प्रवेश केला. बाभूळगावात नगरपंचायत निवडणूक लढली. त्यात ते विजयी झाले. त्यामुळे राजकीय प्रतिस्पर्धीही वाढले. पण, काल रात्री अचानक अनिकेतवर शस्त्राने वार करण्यात आले. त्यात अनिकेत यांचा जीव गेला.
महिलेच्या घरी रात्रभर मुक्काम, पहाटे खून, बाथरुममध्ये मृतदेह, पोलिसांनी सहा तासात छडा लावला
घटनेच्या निषेधार्थ शहर कडकडीत बंद
शहरातील वार्ड क्रमांक १ मधून एक वर्षापूर्वी झालेल्या सार्वत्रिक निवडणूकीत निवडून आलेले प्रहार पक्षाचे नगरसेवक अनिकेत विलास गावंडे यांच्या हत्येने एकच खळबळ उडाली. घटनेचा निषेध करण्यासाठी बाभूळगाव शहरातील बाजारपेठ सोमवारी रोजी कडकडीत बंद ठेवण्यात आली. शहरात ठिकठिकाणी पोलीसांचा कडेकोट बंदोबस्त ठेवण्यात आला होता.
स्टेजवरील खुर्चीत बसणार इतक्यात स्टेज धसला; जितेंद्र आव्हाड पडता पडता वाचले, कार्यकर्ते धावून आले
