आमदार हसन मुश्रीफ सध्या इडीच्या रडारवर आहेत. त्यांच्या निवासस्थानावर आतापर्यंत तीन वेळा छापेमारी करण्यात आली आहे. ते अध्यक्ष असलेल्या जिल्हा बँकेचीही चौकशी सुरू आहे. शनिवारी त्यांच्या कागल येथील निवासस्थानावर धाड टाकून इडीने त्यांना समन्स बजावले होते. त्यानंतर ते ५२ तास नॉट रिचेबल होते. सोमवारी कागल येथील निवासस्थानावर आले. इडीने हजर होण्यासाठी मुदतवाढ द्यावी म्ह्णून त्यांनी वकिलामार्फत विनंती केली. दरम्यान, त्यांनी कारवाईविरोधात न्यायालयात धाव घेतली.
पुणेकरांची चिंता वाढली, H3N2 चे २२ रुग्ण आढळले, ५ वर्षांखालील मुलांसाठी ठरतोय धोकादायक
मुश्रीफ मागील दाराने पळाले, समरजित घाटगे यांचा आरोप
आमदार हसन मुश्रीफ यांना न्यायालयाने दिलासा नव्हे तर दणका दिल्याचा आरोप भाजपचे जिल्हाध्यक्ष समरजित घाटगे यांनी केला आहे, इडी कारवाईवेळी ते घरात होते, धाड पडताच ते मागील दाराने पळून गेले असा गौप्यस्फोटही त्यांनी केला.
घाटगे यांनी पत्रकारांना सांगितले की, मुश्रीफ यांना इडीने समन्स दिले होते, त्याला स्थगिती मिळावी म्ह्णून ते न्यायालयात गेले होते. ते इडी कार्यालयात मर्जीने गेले नव्हते. त्यांना न्यायालयाने सूचना दिल्याने ते गेले होते. त्यामुळे त्यांना कोणताही दिलासा मिळाला नाही, कारण ज्या गोष्टीसाठी ते न्यायालयात गेले होते, तो दिलासा त्यांना मिळाला नाही.
तो मित्रांसोबत हॉटेलच्या खोलीत गेला, चेक आऊटनंतर पुन्हा एकटाच परतला, घडले धक्कादायक
घाटगे यांनी सांगितले की, इडीने शनिवारी मुश्रीफ यांच्या कागल येथील निवासस्थानी धाड टाकल्यानंतर ते मागील दाराने पळून गेले. त्यानंतर ५२ तास ते नॉट रिचेबल का होते. घरातील महिलांना एकटं सोडून ते पळून गेले, जो व्यक्ती घरातील व्यक्तींना वाऱ्यावर सोडतो, तो मतदार आणि शेतकऱ्यांना वाऱ्यावर सोडणार नाही का असा सवालही त्यांनी केला. मुश्रीफ यांचे सी.ए. महेश गुरव हे फरार आहेत की त्यांना फरार केले असा सवाल करत ते म्हणाले, ही बाब अतिशय गंभीर आहे.नोटा मोजण्याचे मशीन, इंस्टाग्रामवर गुंतवणुकीची जाहीरात; फसवणुकीची आयडिया अखेर अंगलट आली
