हा निरागस चेहरा पुन्हा दिसणार नाही! चिमुकला भरत खेळायला बाहेर पडला; काही वेळात अनर्थ घडला
मित्रांकडे, नातेवाईकांकडे चौकशी करण्यात आली. पण कोणाकडून ठावठिकाणा न समजल्यानं त्यांचे भाऊ रामेश्वर पवार यांनी कदीम जालना पोलिसांना घटनेची माहिती दिली. काल सकाळी कदीम जालना पोलीस ठाण्यात बेपत्ता असल्याची नोंद करण्यात आली होती. दरम्यान, काल दुपारी साडेतीनच्या सुमारास जालना शहराजवळील घाणेवडी येथील जलाशयात काही नागरिकांना एक बेवारस मोटारसायकल दिसून आली. त्यांनी तलावाकडे जाऊन पाहिलं असता पाण्यावर एक मृतदेह तरंगताना आढळून आला.
नागरिकांनी ताबडतोब घटनेची माहिती पोलिसांना दिली. घटनेची माहिती मिळताच चंदनझिरा पोलिसांनी घटनास्थळी धाव घेत अग्निशामक दल व नागरिकांच्या मदतीनं मृतदेह जलाशयातून बाहेर काढला. यावेळी मृतदेहाजवळ एक विषारी औषधाची बाटली आढळून आली असल्याची माहिती समोर आली आहे. त्यानंतर पोलिसांनी मृतदेह उत्तरीय तपासणीसाठी जिल्हा रुग्णालयात पाठवला. घटनेची माहिती शहरात पसरल्यानंतर जिल्हा रुग्णालयात नागरिकांनी गर्दी केली होती.झाडाला धडकून कार पेटली, संपूर्ण कुटुंब एकाएकी बेपत्ता; १३ दिवस उलटले अन् एक दिवस अचानक…
शासकीय कॉन्ट्रॅक्टर म्हणून काम करणारे एम.पी.पवार हे पवार मामा नावानं सर्वश्रुत व्यक्तिमत्त्व होतं. कुणाच्याही मदतीला धावून जाणारे, सगळ्यात मिळून मिसळून राहणारे,सर्वांना आपलेसे वाटणारे असल्यानं त्यांचा जनसंपर्क दांडगा होता. पण अश्या व्यक्तिमत्वाची दुर्दैवी एक्झिट शहरातील नागरिकांना खटकत आहे. त्यांनी आत्महत्या केली की त्यांचा घातपात झाला हे कोडे आता पोलीस सोडवत आहेत.
एम. पी. पवार घरून निघताना मोबाईल, खिशातील सामान काढून ठेवून कसे गेले, त्यांना कुणी बोलावलं होतं का, त्यांच्याशी शेवटचा संवाद कुणाचा झाला, त्यांनी विष पिऊन आत्महत्या केली की तलावात उडी घेतली की त्यांचा घातपात झाला यावर सध्या शहरात चर्चा सुरू असून पोलिसदेखील याच बाबींचा शोध घेत आहेत. पोलिसांनी शवविच्छेदन अहवालाची प्रतीक्षा आहे. त्यातूनच पवार यांच्या मृत्यूचं खरं कारण समजू शकेल.
