IND vs AUS 1st Odi weather report Wankhede stadium, IND vs AUS: पहिली वनडे होणार की नाही? मुंबईतील मॅचवर संकटाचे ढग; जाणून घ्या सर्व अपडेट – ind vs aus 1st odi match weather update of wankhede stadium mumbai india vs australia odi head to head

मुंबई: भारत आणि ऑस्ट्रेलिया यांच्यातील तीन एकदिवसीय मालिकेतील पहिला सामना मुंबईच्या वानखेडे स्टेडियमवर होणार आहे. कसोटी मालिकेत २-१ अशा विजयानंतर टीम इंडिया वनडेतही विजयाने आपल्या मोहिमेची सुरुवात करण्याचा प्रयत्न करेल. या पहिल्या वनडेमध्ये दोन्ही संघांचे कर्णधार बदलेले आहेत. हार्दिक पांड्या मुंबईत होणाऱ्या वनडेमध्ये टीम इंडियाचे नेतृत्व करणार आहे. तर ऑस्ट्रेलियाकडून पॅट कमिन्सच्या अनुपस्थितीत स्टीव्ह स्मिथ संघाची धुरा सांभाळण्यास सज्ज झाला आहे.

मात्र, उभय संघांमध्ये खेळल्या जाणाऱ्या या एकदिवसीय सामन्यापूर्वी मुंबईतील सामन्यादरम्यान उद्याचे हवामान कसे असेल ते जाणून घेऊया. आज मुंबई आणि इतर शहरांमध्ये पावसाचा अलर्ट जारी करण्यात आला आहे. त्यामुळे उद्यापासून वनडे लढत सुरु होणार असल्याने सामन्यावर याचा काही परिणाम होणार का, यावर सर्वांचे लक्ष आहे. ॲक्यूवेदरच्या (AccuWeather) अहवालानुसार, १७ मार्च रोजी मुंबईचे हवामान पूर्णपणे स्वच्छ असेल. दीर्घकाळात पावसाची शक्यता नाही.

IND vs AUS वनडे या टीव्ही चॅनेलवर फ्रीमध्ये पाहता येणार, जाणून घ्या सामन्याची योग्य वेळ
भारत आणि ऑस्ट्रेलिया यांच्यातील पहिला एकदिवसीय सामना दुपारी १.३० वाजता सुरू होईल, त्यामुळे मैदानावरील खेळाडूंना उन्हाचा तडाखा बसू शकतो. दिवसाचे कमाल तापमान ३१ अंश तर किमान तापमान २४ अंश राहण्याचा अंदाज आहे. याशिवाय आकाश जवळपास निरभ्र राहण्याची शक्यता आहे.

वानखेडेमध्ये ऑस्ट्रेलियाचा दबदबा

वानखेडे स्टेडियम भलेही टीम इंडियाचं होम गरुड असेल पण या मैदानावर ऑस्ट्रेलिया संघ वर्चस्व गाजवताना दिसतो. या मैदानावर एकदिवसीय सामन्यांमध्ये भारत आणि कांगारू तीन वेळा आमनेसामने आले आहेत. यामध्ये यजमान संघाने केवळ एकच सामना जिंकला. महेंद्रसिंग धोनीच्या नेतृत्वाखाली २००७ साली भारताने वानखेडेवर ऑस्ट्रेलियाचा पराभव केला होता. त्याचवेळी, विराट कोहलीच्या नेतृत्वाखाली टीम इंडियाचा २०२० मध्ये ऑस्ट्रेलियाशी शेवटचा सामना झाला होता.

IND vs AUS: वनडे मालिकेत टीम इंडियावर डाव उलटा पडू शकतो; एका गोष्टीमुळे ऑस्ट्रेलिया धोकादायक
२०२० मध्ये खेळल्या गेलेल्या एकदिवसीय सामन्यात टीम इंडियाचा ऑस्ट्रेलियाने १० गडी राखून पराभव केला होता. अशा परिस्थितीत जेव्हा टीम इंडिया हार्दिक पांड्याच्या नेतृत्वाखाली मैदानात उतरेल, तेव्हा यावेळेस हा रेकॉर्ड मोडीत काढण्याचा प्रयत्न करणार आहे.

भारत विरुद्ध ऑस्ट्रेलिया वनडे मालिकेचे वेळापत्रक
पहिली वनडे – १७ मार्च, मुंबई (वानखेडे स्टेडियम)
दुसरी वनडे – १९ मार्च, विशाखापट्टणम
तिसरी वनडे – २२ मार्च – चेन्नई