महिला प्रिमियर लीगमध्ये या सामन्याच्या आधीपर्यंत आरसीबीचा प्रवास काही खास झाला नव्हता. त्यांना आतापर्यंत एकही विजय मिळवण्यात यश आले नव्हते. अशामध्ये युपी वॉरिअर्स सोबतच्या सामन्याआधी भारतीय संघाचा स्टार खेळाडू विराट कोहलीने संघासोबत गप्पा मारून त्यांना प्रोत्साहित केलं. यानंतर जेव्हा संघाने विजय मिळवला तेव्हा कर्णधार स्मृतीने विराटचं भरभरून कौतूक केलं.
IND vs AUS वनडे या टीव्ही चॅनेलवर फ्रीमध्ये पाहता येणार, जाणून घ्या सामन्याची योग्य वेळ
स्मृतीने सांगितलं की “विराट कोहलीच्या मार्गदर्शनाचा आम्हाला विजय मिळवण्यात फायदा झाला. त्याने संघासोबत गप्पा मारल्या आणि आम्हाला प्रोत्साहित केलं.” पुढे स्मृतीने सांगितलं की, विराटने तिला फलंदाजीत काही गोष्टी चांगल्या घडत नसल्या तर त्यांना स्वीकार करण्याचं महत्त्व समजवलं.
कनिका आहे ३६० डीग्री प्लेयर
स्मृतीने सामना संपल्यानंतर संघाची स्टार खेळाडू कनिका अहूजाचं कौतूक केलं आणि म्हणाली की, आम्ही ७ व्या षटकात काही विकेट्स गमवले होते ते थोडं अवघड होतं. मात्र कनिका आणि ऋचा ज्या प्रकारे खेळल्या ते कौतुकास्पद आहे. खासकरून कनिका जिच्यावर मला गर्व आहे. तिची फलंदाजी बघण्यासाठी मी उत्सूक आहे. ती वेगळा दृष्टीकोण ठेवते, ती एक ३६० डीग्री प्लेयर आहे, जी भारतीय क्रिकेटमध्ये भविष्यात आपले खास योगदान देताना दिसू शकते. WPL 2023: कोण आहे कनिका आहूजा, २० वर्षांची ही खेळाडू ठरली RCB च्या विजयाची स्टार
असा झाला सामना
या सामन्यात नाणेफेक गमावल्यानंतर प्रथम फलंदाजीसाठी आलेल्या युपी वॉरीअर्सने १९.३ षटकांत १० विकेट्स गमवत १३५ धावा केल्या होत्या. युपीकडून ग्रेस हॅरिसने सर्वाधिक ४६ धावा केल्या. विजयासाठी १३५ धावांच सोपं लक्ष घेऊन मैदानात उतरलेल्या आरसीबीने ८ षटकात ५ विकेट गमवत १३६ धावा केल्या आणि दणदणीत विजय मिळवला. आरसीबीकडून कनिका अहूजाने सर्वाधिक ४६ धावांची शानदार खेळी साकारली. यूपीच्या दिप्ती शर्माने २४ धावा देत २ विकेट घेतल्या.
