अकोट अंजनगाव रस्त्यावर आज दुपारी एक वाजताच्या सुमारास एमएच २७ बीयु ४३९७ आणि एमएच २७ एस ८४६४ या क्रमाकांच्या मोटरसायकलमध्ये समोरासमोर धडक होऊन अपघात झाला. यामध्ये पती-पत्नीचा आणि दुसऱ्या दुचाकीवरील एका तरुणाचा मृत्यू झाला. तर, एक गंभीर जखमी झाला आहे. हा अपघात एवढा भीषण होता, की दोन्ही मोटरसायकलचा अक्षरशः चुरडा झाला. अपघातानंतर लागलीच रस्त्यावर उपस्थित नागरिकांनी तसेच ऑटो चालकांनी जखमींना तातडीने आकोट ग्रामीण रुग्णालयात उपचारार्थ दाखल केले. मात्र, यातील तिघांना डॉक्टरांनी मृत घोषित केले असून यासंदर्भात अकोट ग्रामीण पोलीस ठाण्यात अपघाताची नोंद करण्यात आली आहे.
सॉरी दादा, मी या आयुष्याला वैतागलोय; मोठ्या भावाला मेसेज करुन तरुणाचं टोकाचं पाऊल…
प्राप्त माहितीनुसार, अकोला जिल्ह्यातील पणज येथील विनय गवळी यांचा उद्या विवाह पार पडणार असून आज नानमुखाचा कार्यक्रम होता. या कार्यक्रमासाठी अकोट येथील मंजुळकर दाम्पत्य हजर राहण्यासाठी आपल्या दुचाकीनं निघालं होतं. मात्र, वाटेतच त्यांच्या दुचाकीचा भीषण अपघात झाला. अकोट अंजनगांव रस्त्यावरील वाई फाट्याजवळ अंजनगावकडून येणाऱ्या दुचाकीला त्यांची समोरासमोर धडक झाल्याने हा भीषण अपघात झाला. या अपघातात मंजुळकर कुटुंबातील म्हणजे दुचाकीस्वार असलेली पत्नी-पत्नीचा मृत्यू झाला आहे.
संजय रामदास मंजुळकर आणि शोभा संजय मंजुळकर असं मृत पती-पत्नीचे नाव आहे. तर अंजनगावकडून येणाऱ्या दुचाकीवरील एका व्यक्तीचा मृत्यू झाला आहे. प्रणय हरिदास घट्टे (वय २४, राहणार अंजनगांव, जि. अमरावती) असं मृतक तरुणाचं नाव आहे. तर पंकज बेलसरे असं जखमी झालेल्या व्यक्तीचे नाव आहे. सद्यस्थितीत अपघातात जखमी असलेल्या व्यक्तीवर उपचार सुरू आहे. पणज येथील ऑटो चालक विट्ठल सुलताने, मयूर महाले, दिलीप करहाळे तसेच परिसरातील नागरिकांनी जखमींना रुग्णालयात उपचारासाठी दाखल केले होते.
कॅडबरी, कुरकुरेचं आमिष, नातीच्या वयाच्या चिमुकलीवर वृद्धाकडून अत्याचार, मुळशीत संताप
