स्वतःच्या हिमतीवर घर घेतले, पहिलीच पोस्टिंग
सागर यांच्या पश्चात आई उषाबाई, वडील दिलीप हरी देहाडे, लहान भाऊ नितेश, विवाहित मोठी बहीण, पत्नी रिश्णा, 4 वर्षांचा मुलगा अयांश असा परिवार आहे. सागर याचे वडील हमाली काम करतात. असे असताना जिद्दीने सागर हा २०११ मध्ये मुंबई येथे पोलीस दलात भरती झाला होता. त्या ठिकाणी प्रशिक्षण पूर्ण झाले, प्रशिक्षणानंतरचा नियुक्तीचा कार्यकाळ पूर्ण केल्यानंतर सागर याची जळगाव जिल्ह्यात भुसावळ शहर पोलीस ठाण्यात नियुक्ती झाली होती.
खवय्यांचे चोचले पुरवणारे सावरतकर काका गेले, कोल्हापुरात रात्रीच्या अंधारात वेदनादायी मृत्यू
२०१८ मध्ये सागर याचे लग्न झाले. २०२० मध्ये त्याने स्वतःच्या हिमतीवर वाघ नगर येथे नवीन घर घेतले होते. सागर याची पत्नी चार ते पाच महिन्यांची गरोदर आहे. सर्व काही सुरळीत सुरू असताना काळाने सागर याच्यावर झडप घातली. व तो सर्वांना सोडून गेला.
यात्रेला जाताना बाईक गतिरोधकावर आदळली, २२ वर्षीय तरुणाचा जागीच मृत्यू
लहान भावानेही पोलीस व्हावे, होते सागरचे स्वप्न
लहान भाऊ नितेश यानेही पोलीस व्हावे असं सागर याचं स्वप्न होतं. नितेश हा मिळेल ते टायपिंगचे काम करायचा. मात्र काम करू नको फक्त अभ्यास कर असे सागर नितेश याला सांगत होता. त्यानुसार नितेश हा पोलीस भरतीची तयारी करत होता. मात्र स्वप्न पूर्ण होण्यापूर्वीच भावाचा मृत्यू झाल्याने नितेश याच्यावर मोठा आघात झाला आहे. तर सागर याच्या रूपाने घरच्या कर्त्या पुरुषाचा मृत्यू झाल्याने देहडे कुटुंबियांवर
दुःखाचा डोंगर कोसळला आहे. तरुण पोलीस कर्मचार्‍याचा मृत्यू झाल्याने पोलीस दलात मोठी हळहळ व्यक्त केली जात आहे. शोकाकुल वातावरणात सागर याच्यावर गुरुवारी अंत्यसंस्कार पार पडले. यावेळी बंदुकीच्या फैरी झाडून सागर यास सलामी सुद्धा देण्यात आली.
ऊसतोड कामगाराच्या ५ वर्षांच्या लेकरानं अखेर बोअरवेलमध्येच जीव सोडला; एनडीआरएफचे आठ तासांचे प्रयत्न निष्फळ
