या आर्थिक वर्षात ७% वाढीचा अंदाज
एनएसओ म्हणजेच राष्ट्रीय सांख्यिकी संस्थेच्या अंदाजानुसार चालू आर्थिक वर्षात म्हणजेच २०२२-२३ मध्ये विकास दर ७ टक्के असू शकतो. बहुतेक विश्लेषक याला महत्त्वाकांक्षी आकडा मानत आहेत. एकूण सात टक्के वाढीसाठी चालू आर्थिक वर्षाच्या चालू तिमाहीत म्हणजेच जानेवारी-मार्च २०२३ मध्ये अर्थव्यवस्थेला ४.५ पेक्षा जास्त दराने वाढ करावी लागेल.
रघुराम राजन यांनी दिला इशारा; देशाला ‘हिंदू रेट ऑफ ग्रोथ’चा धोका, जाणून घ्या अर्थ आणि परिणाम
जागतिक अर्थव्यवस्थेत नकारात्मक वातावरण
क्रिसिलचे चीफ इकॉनॉमिस्ट डीके जोशी यांनी आपल्या वार्षिक वाढीच्या अंदाजात सांगितले की, भौगोलिक-राजकीय घडामोडी, सततची उच्च चलनवाढ आणि त्याचा सामना करण्यासाठी व्याजदरात मोठी वाढ यामुळे जागतिक वातावरण अधिक उदास आणि नकारात्मक झाले आहे.
महागाईचा मोठा झटका! भारताच्या विकास वाढीची गती मंदावला, GDP वाढ ४.४% वर
रेपो दर वाढीमुळे परिणाम
रेपो दरातील वाढीचा परिणाम पुढील आर्थिक वर्षात दिसून येईल. ते म्हणाले की, मे २०२२ पासून पॉलिसी रेट रेपोमध्ये २.५ टक्के वाढीचा परिणाम पुढील आर्थिक वर्षात अधिक दिसून येईल. तसेच पुढील आर्थिक वर्षात ग्राहक किंमत निर्देशांकावर आधारित महागाई सरासरी पाच टक्के राहण्याचा अंदाज असून चालू आर्थिक वर्षात तो सुमारे ६.८ टक्के असेल.
रब्बी पिकांच्या मदतीने अन्नधान्य महागाई कमी होईल
रब्बी हंगामाच्या चांगल्या हंगामामुळे अन्नधान्य चलनवाढ कमी होण्यास मदत होईल. तर मंदावलेली अर्थव्यवस्था मूळ चलनवाढीवर नियंत्रण ठेवेल.
