Mumbai Crime News | रिंपल जैन हिने आपल्या आईची हत्या करुन तिच्या मृतदेहाचे तुकडे केल्याचा आरोप आहे. लालबागसारख्या गजबजलेल्या परिसरात ही घटना घडल्याने एकच खळबळ उडाली.
हायलाइट्स:
- रिंपल जैन हिने खरंच आईला मारलं का?
- मृतदेहाच्या लहान तुकड्यांमुळे बाथरुम तुंबलं
- मृतदेहाच्या लहान तुकड्यांमुळे बाथरुम तुंबलं
लेकीनं आईला संपवलं, तुकडे केले; ‘त्या’ दोन वेटर्सनी साथ दिली? लालबाग हत्याकांडाचं कनेक्शन यूपी, बंगालपर्यंतरिंपलने मी आईची हत्या केली नसल्याचा दावा केला असला तरी शवविच्छेदनावेळी झालेल्या ऑटोप्सी रिपोर्टमध्ये वीणा जैन यांच्या शरीरावर जखमा आढळून आल्या आहेत. त्यामुळे पोलिसांचा रिंपल जैन हिच्यावरील संशय कायम आहे. तसेच रिंपल ही एकट्याने मृतदेहाचे तुकडे करु शकते, ही गोष्ट पचनी पडण्यास अवघड आहे. रिंपलने वीणा जैन यांच्या धडाचा भाग कपाटातील प्लॅस्टिक पिशवीत ठेवला होता. तर हातपाय एका स्टीलच्या टाकीत ठेवले होते. शरीराचे अन्य भाग दोन ड्रम्समध्ये ठेवले होते. जवळपास तीन महिने मृतदेहाचे हे भाग कुजत होते. त्यामुळे घरात आणि संपूर्ण इब्राहिम कासिम चाळीत दुर्गंधी सुटली होती. ही दुर्गंधी कमी करण्यासाठी रिंपलने घरात अत्तराच्या २०० बाटल्या आणि एअर फ्रेशनर्स आणून ठेवले होते. या सगळ्याचा वापर करुनही संपूर्ण चाळीमध्ये वीणा जैन यांच्या कुजलेल्या मृतदेहाची दुर्गंधी सुटली होती. अखेर पोलिसांनी एक एक करुन घरातून मृतदेहाचे तुकडे बाहेर काढले तेव्हा चाळीतील नागरिकांना या सगळ्याचा उलगडा झाला.
घरात पाऊल ठेवताच उग्र दर्प; आईचं धड पिशवीत, हातपाय स्टीलच्या टाकीत; लालबाग हत्याकांडाची स्टार्ट टू एंड कहाणी
मृतदेहाच्या तुकड्यांमुळे बाथरुम तुंबलं
रिंपल जैन हिने आपल्या आईच्या मृतदेहाची विल्हेवाट लावण्यासाठी एक वेगळाच प्रयत्न करुन पाहिला होता. रिंपलने वीणा जैन यांच्या शरीराच्या काही भागाचे अगदी लहान तुकडे केले होते. हे तुकडे बाथरुमधून गटारात वाहून जातील, असे रिंपलला वाटले होते. मात्र, या मांसाच्या या तुकड्यांमुळे रिंपलच्या घरातील बाथरुम पूर्णपणे तुंबले. तेव्हा रिंपलने आपल्या प्रियकराला ड्रेन सक्शन पम्प आणायला सांगितला. त्याच्या साहाय्याने रिंपलने तुंबलेले बाथरुम स्वच्छ केले.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
