आतापर्यंत जागतिक व्यापारात डॉलरचा मोठा वाटा आहे. जगातील बहुतेक देश एकमेकांकडून वस्तू खरेदी-विक्रीसाठी डॉलरचा वापर करतात. जगातील अनेक देशांनी आंतरराष्ट्रीय व्यापारासाठी रुपयाचा वापर करण्यात रस घेतला आहे आणि त्याच्या सेटलमेंटची प्रक्रिया सुलभ करण्याचा प्रयत्न केला आहे.
भारताच्या महत्त्वाकांक्षी विकासदराला खीळ लागणार? पुढील वर्षी विकासाचा वेग मंदावणार
रिझर्व्ह बँक ऑफ इंडियाने अलीकडेच ६० विशेष व्होस्ट्रो खाती तयार करण्यास मान्यता दिली आहे. रशिया, श्रीलंका यांसारख्या देशांकडून रुपयात आंतरराष्ट्रीय व्यापार शक्य होईल. भारताचे अर्थ राज्यमंत्री भागवत कराड यांनी संसदेत सांगितले की, केंद्रीय रिझर्व्ह बँकेने देशांतर्गत आणि परदेशी एडींच्या स्वरूपात व्होस्ट्रो खाती उघडण्यास मान्यता दिली आहे. यानंतर जगातील १८ देशांसोबत भारताचा व्यवसाय डाॅलरऐवजी रुपयात करता येईल. आंतरराष्ट्रीय व्यापारात डॉलरच्या जागी रुपयाला चालना देण्यात रशिया आघाडीवर असल्याचे केंद्रीय अर्थ राज्यमंत्र्यांनी सांगितले.
Bank Crisis: अमेरिकेतील संकटाची झळ युरोपपर्यंत… जगातील आणखी मोठी बँक दिवाळखोरीच्या वाटेवर
अर्थमंत्र्यांनी सांगितले की, निर्यात वाढवण्यासाठी भारताने स्थानिक चलनात व्यापाराला चालना देण्यासाठी अनेक योजना तयार केल्या आहेत. ज्या देशांनी भारतासोबत रुपयाचा व्यापार करण्यात रस घेतला आहे त्यात रशिया, सिंगापूर, श्रीलंका, बोत्सवाना, फिजी, इस्रायल, केनिया, मलेशिया, मॉरिशस, न्यूझीलंड, ओमान आणि ब्रिटन यांचा समावेश आहे.
भारतीयांसाठी अभिमानास्पद बाब; शक्तिकांता दास यांच्या शिरपेचात मानाचा तुरा, सेंट्रल बँकिंगकडून सन्मान
गेल्या काही वर्षात भारतीय रुपयात आंतरराष्ट्रीय व्यापार स्थिरावण्याची यंत्रणा झपाट्याने विकसित होत असून जगातील १८ देश त्यात रस घेत असून रुपयाचे महत्त्व सातत्याने वाढत असल्याचे यावरून दिसून येते. गेल्या सहा महिन्यांत जगातील ८ देशांनी ५० विशेष व्होस्ट्रो खाती उघडली आहेत. या प्रकारचा व्यवसाय करणारे देश नवीन मशिनरी प्रकारांतर्गत अधिकृत बँकेत भारतात व्होस्ट्रो खाते उघडू शकतात आणि त्यांच्या देशाच्या बँकेत व्यापार करू शकतात.
