तो माझा जीव घेईल! संशयानं पछाडलं, एअर फोर्स अधिकाऱ्यानं डॉक्टरला संपवलं; कारण ठरली ‘ती’
सीतापूर पोलीस ठाण्याचे एसएचओ टी. पी. सिंह यांनी दिलेल्या माहितीनुसार, आरोपी मुलगा सरकारी शाळेत शिकतो. तो वडिलांच्या सोबत राहतो. मुलगा वर्षाचा असताना त्याच्या आईचं निधन झालं. बुधवारी संध्याकाळी मुलगा शाळेतून घरी परतला नाही. त्यामुळे वडिलांनी आणि नातेवाईकांनी त्याचा शोध सुरू केला. मात्र मुलाचा थांगपत्ता लागला नाही. काही वेळानंतर त्यांना व्हॉट्सऍपवर ५ लाख रुपयांची मागणी करणारा फोन आला. ही रक्कम खैराबादमध्ये असणाऱ्या एका मशिदीजवळ आणून द्या, असं अपहरणकर्त्यानं सांगितलं.
लेकाचं अपहरण झाल्याची माहिती वडिलांनी पोलिसांना दिली. त्यांनी सायबर विभागाला कामाला लावलं. मुलाची सुखरुप सुटका करू, असं आश्वासन पोलिसांनी त्याच्या वडिलांना दिलं. वडील मुलाच्या सुटकेसाठी पैशांची जुळवाजुळव करू लागले. तेव्हा त्यांच्यासोबत पोलिसांचं पथक होतं. अपहरणकर्त्यांनी खंडणी मागण्यासाठी वापरलेल्या फोनचं लोकेशन पोलिसांनी रात्री शोधून काढलं.सात वर्षांपासून कार धुवायचा, कामावरून काढल्यानं संतापला; बेसमेंटमध्ये भलतंच करून बसला
खंडणीचे पैसे मागण्यासाठी वापरण्यात आलेल्या फोनच्या मालकाशी पोलिसांनी संपर्क साधला. फोन वापरणाऱ्या व्यक्तीचं चपलांचं दुकान होतं. माझा लहान मुलगा फोन वापरत होता, असं त्यानं सांगितलं. विशेष म्हणजे हा मुलगादेखील इयत्ता नववीमध्येच शिकत होता. यानंतर महिला पोलीस अधिकाऱ्याला पाचारण करण्यात आलं. तिनं मुलाची शांतपणे चौकशी केली. तेव्हा त्यानं सगळं काही सांगितलं. यानंतर पोलिसांनी बेपत्ता झालेल्या मुलाला शोधून काढलं. त्याचं समुपदेशन करण्यात आलं. यानंतर त्याला वडिलांच्या ताब्यात देण्यात आलं.
