आईला संपवून ३ महिने उलटले, मामा बर्थडेसाठी घरी पोहोचले, पण…; पण, हत्येबद्दल वेगळाच संशय
शौचालयात जात असताना आई पहिल्या मजल्यावरून कोसळली. त्यानंतर आईची प्रकृती बिघडली. आईचा मृत्यू नैसर्गिकरित्या झाल्या. मी तिचा खून केला नाही, असं रिंपलनं पोलिसांना सांगितलं. आईच्या मृतदेहाचे तुकडे का केले, असा प्रश्न तिला विचारण्यात आला. त्यावर आईच्या मृत्यूला मलाच जबाबदार धरण्यात येईल, अशी भीती मला वाटत होती. त्यामुळे तिच्या मृतदेहाची विल्हेवाट लावण्याचा प्रयत्न केला, असं उत्तर रिंपलनं दिलं. वीणा यांचा मृत्यू नेमका कशामुळे झाला, तो नैसर्गिक होता की रिंपलनं त्यांची हत्या केली, या प्रश्नांची उत्तरं पोलीस शोधत होतो. त्यासाठी शवविच्छेदन अहवालाची प्रतीक्षा आहे.तू ड्रेन सक्शन कप आण! आईला संपवणाऱ्या लेकीची प्रियकराला सूचना; ३ महिन्यांपूर्वी काय घडलं?
या प्रकरणी पोलिसांनी आतापर्यंत सहा जणांची चौकशी केली. वीणा यांचा मृत्यू २७ डिसेंबरला झाला असावा असं त्यांच्या जबाबांमधून समोर आलं आहे. २६ डिसेंबरला वीणा शौचालयात जात असताना पहिल्या मजल्यावरून कोसळल्या. त्यावेळी तिथे असलेल्या हॉटेल कर्मचाऱ्यांनी वीणा यांना घरी नेऊन सोडलं, अशी माहिती काळाचौकी पोलीस ठाणाच्या अधिकाऱ्यांनी दिली. याच दिवशी (२७ डिसेंबर) रिंपलनं रुम फ्रेशनर्स आणि फिनायल विकत घेतलं, असंही पोलिसांनी सांगितलं.आईला संपवलं, परफ्युमच्या २०० बाटल्या; मुलगी एकटीच खिडकीत बसून असायची, ३ महिने लोटले अन्…
मी माझ्या आईला मारलं नाही. खाली पडल्यानं ती खूप जखमी झाली. त्यामुळेच ती दगावली, असं रिंपलनं पोलिसांना सांगितलं. एका साक्षीदारानं त्याच्या जबाबात हीच माहिती दिली आहे. रिंपलच्या संपर्कात असलेल्या आणि चाळीजवळ सँडविच स्टॉल चालवणाऱ्या बॉबीला पोलिसांनी उत्तर प्रदेशातून ताब्यात घेतलं. पोलिसांनी त्याचा जबाब नोंदवला. मात्र त्यात काहीच संशयास्पद आढळून आलं नाही. त्यामुळे पोलिसांनी चौकशी करून त्याला सोडून दिलं.
