वैष्णोदेवीच्या दर्शनाला गेलेल्या पतीची गर्भवती पत्नी पाहत होती वाट, तेवढ्यात आला रावसाहेब दानवेंचा फोन कॉल…
या घटनेचा खुलासा झाल्यानंतर मुंबईतील काळाचौकी पोलिसांनी १५ मार्च रोजी घरातून कटर आणि एक छोटा चाकू जप्त केला होता. त्यानंतर महिलेच्या मुलीला अटक करण्यात आली होती. “मुंबईच्या काळाचौकी पोलिसांनी पीडित मुलीला आयपीसी कलम ३०२ (हत्या) आणि शस्त्रास्त्र कायद्यांतर्गत गुन्हा नोंदवून अटक केली आहे,” असं एका अधिकाऱ्याने सांगितलं.
बेपत्ता मुलीची घराबाहेर दिसली चप्पल, छतावर चढून पत्रे काढून आत पाहिलं; आईने फोडला हंबरडा…
मृतदेह दोन दिवस घरात ठेवला…
पोलिसांनी दिलेल्या माहितीनुसार, रिंपलने लालबाग इथून आणलेल्या मार्बल कटरचा वापर करून आईच्या मृतदेहाचे तुकडे केले होते. तिच्या चौकशी वेळी तिने पोलिसांना सांगितले की, हत्येनंतर ती खूप घाबरली होती. त्यामुळे तिने २ दिवस मृतदेह तसाच घरी ठेवला होता. यानंतर तिने त्याचे तुकडे करण्याचा निर्णय घेतला, असा खुलासा तिने पोलिसांसमोर केला.
दरम्यान, कुजलेल्या मृतदेहामुळे दुर्गंधी पसरली होती. यावर उपाय करण्यासाठी आरोपी रिंपलने ऑनलाइन व्हिडिओ पाहिला आणि क्लिपमध्ये दाखवल्याप्रमाणे तिने शरीर ताजे ठेवण्याच्या पद्धती वापरल्या. सगळ्यात धक्कादायक बाब म्हणजे तिने डिसेंबरमध्येच आईची हत्या केली होती.
एका अधिकाऱ्याने दिलेल्या माहितीनुसार, “महिलेच्या हत्येनंतर रिंपलने तिचे हात पाय कापले. कटर आणि एक छोटा चाकू वापरून तिने हे केले. हीच हत्यारं घरातून जप्त करण्यात आली आहेत. तर आता पोलीस आणखी ६ जणांचा तपास करत असल्याची माहिती आहे.
