वैष्णोदेवीच्या दर्शनाला गेलेल्या पतीची गर्भवती पत्नी पाहत होती वाट, तेवढ्यात आला रावसाहेब दानवेंचा फोन कॉल…
मुंबईतील लालबाग चाळीत राहणाऱ्या आरोपी रिंपलने पोलिसांच्या चौकशीत कबूल केले की, मृतदेहाचे तुकडे २ महिने घरात ठेवल्याने दुर्गंधी येऊ लागली होती. यामुळे ही दुर्गंधी दूर करण्यासाठी तिने चहाची पाने, फिनाईल आणि एअर फ्रेशनरच्या तब्बल ४० बाटल्यांचा वापर केला. ही बाब उघड झाल्यानंतर दुसऱ्याच दिवशी पोलिसांनी आरोपी मुलगी रिंपल जैन हिला अटक केली.
याप्रकरणी अधिक चौकशीसाठी तिला सोमवारपर्यंत पोलीस कोठडी सुनावण्यात आली आहे. आरोपी मुलगी रिंपलने पोलीस चौकशीत दिलेल्या माहितीनुसार, तिच्या आईच्या मृत्यूनंतर तिने मृतदेहाची विल्हेवाट लावण्याचा मार्ग इंटरनेटवर शोधला आणि नंतर जवळच्या दुकानातून मार्बल कटर विकत घेतला.
Lalbaug Murder: आईला मारल्यानंतर खूप घाबरले, २ दिवस असंच ठेवलं मग…; चौकशीत रिंपलने सांगितलं सत्य
मृतदेह २ दिवस घरात ठेवल्यानंतर दुर्गंधी वाढू लागल्यावर पुन्हा इंटरनेटवर वास जाण्यासाठी काय करावं हे तिने शोधलं. यानंतर तिने ऑनलाइन चहाची पानं, फिनाईल आणि एअर फ्रेशनर खरेदी करून त्यांचा वापर केला. पोलिसांनी दिलेल्या माहितीनुसार, रिंपलने आपल्या बयाणात सांगितले की, गेल्या वर्षी २७ डिसेंबर रोजी तिची आई पायऱ्यांवरून पडून गंभीर जखमी झाली होती. याच्या २ दिवसांनी त्यांचा मृत्यू झाला.
प्लॅस्टिकच्या पिशवीत महिलेचं अर्ध शरीर, बाजूला केसांचा झुपका; आणखी एका हत्याकांडाने पोलीस हादरले
रिंपलच्या म्हणण्यानुसार, आईच्या मृत्यूमुळे ती घाबरली होती. आईच्या हत्येचा आरोप आपल्यावरच पडेल असं तिला वाटत होतं. म्हणूनच तिने आईच्या मृतदेहाचे ५ तुकडे केले आणि पॉलिथिनमध्ये गुंडाळले. इतकंच नाहीतर मृतदेहाचे तुकडे करण्यासाटी तिने संगमरवरी कटर खरेदी केले. परंतु, मृतदेह पूर्णपणे कापला जात नसल्याने तिने चाकूचाही वापर केला.
मिळालेल्या माहितीनुसार, या प्रकरणी शुक्रवारी पोलिसांनी एका व्यक्तीचा जबाब नोंदवला आहे. या व्यक्तीला पोलिसांनी लखनऊ इथून ताब्यात घेतलं होतं. मात्र, आवश्यक चौकशीनंतर त्याला सोडून देण्यात आले. एका वरिष्ठ पोलीस अधिकाऱ्याने दिलेल्या माहितीनुसार, या व्यक्तीचा या घटनेशी थेट संबंध अद्याप समोर आलेला नाही. तरीही पोलिसांना माहिती न देता त्याला शहराबाहेर जाण्यास रोखलं आहे. ही व्यक्ती रिंपलच्या आधीपासून संपर्कात होती, अशीही माहिती समोर आली आहे.
