टोळक्यातील तरुणांच्या हातात खंजीर, चाकू दिसल्याने नागरिकांची एकच धावपळ सुरू झाली. जो तो जीव मुठीत धरून पळू लागला. घटनास्थळावरून कुणीतरी पोलिसांना २ टोळक्यांमधील राड्याची माहिती कळवली. या घटनेची माहीती मिळताच कदीम जालना पोलीस आधिकारी आणि कर्मचाऱ्यांनी तातडीने घटनास्थळी धाव घेतली. या राड्यात जखमी झालेल्यांना उपचारासाठी खासगी तसेच सामान्य शासकीय रुग्णालयात दाखल करण्यात आले आहे. जखमींपैकी शेख कैफ, शेख तनवीर, शेख मुसाद्दिक, यांच्यावर रुग्णालयात उपचार सुरू आहे. तर अबुजर, साहिल, शादाब, यांच्यावर खासगी हॉस्पिटलमध्ये उपचार करण्यात येत आहेत.
पोलीस मित्राने पोलीस ठाण्यातच केला हात साफ, खोलीची किल्ली गायब झाली अन् CCTV तपासताच…
दरम्यान, जखमींच्या नातेवाईकांनी हल्लेखोरांना तात्काळ अटक करण्याच्या मागणीसाठी कदीम जालना पोलीस ठण्यासमोर गर्दी केली. त्यानंतर पोलीस ठाण्यात गुन्हा दाखल करण्यात आला आहे. हल्ला करणाऱ्या टोळक्यातील संशयितांचा पोलीस शोध घेत आहेत. दोन टोळक्याच्या वादात मोतीबाग परिसरात एकच धावपळ झाल्याने मोतीबाग व चौपाटीवर आलेल्या नागरिकांची मात्र चांगलीच गैरसोय झाली. सुजाण नागरिकांनी मात्र इथून लगेच काढता पाय घेतला.
धक्कादायक! दहावी, बारावीच्या परीक्षेत कॉपी करू द्या, अन्यथा जीवे मारू, शिक्षकांना धमक्या
