sameer wankhede, समीर वानखेडे RSS च्या मुख्यालयात, रेशीमबागेत मोहन भागवतांची भेट, भाजप प्रवेशाच्या चर्चांना उधाण – ncb former zonal director sameer wankhede may join bjp speculation starts after sameer wankhede and kranti redkar visit rss headquarter in nagpur maharashtra

समीर वानखेडे आणि क्रांती रेडकर आरएसएसच्या स्मृती मंदिरात; फुलं वाहिली, हात जोडले…

वाशीमच्या मंगरुळपीर मतदारसंघातून निवडणूक लढवणार?

गेल्यावर्षी दिवाळीच्या काळात एका वृत्तपत्राच्या वाशिम आवृत्तीमध्ये समीर वानखेडे आणि त्यांची पत्नी क्रांती रेडकर यांच्या दिवाळीच्या शुभेच्छा देणारी जाहिरात प्रसिद्ध झाली होती. वाशिम जिल्ह्यातील सर्व नागरिक आणि शेतकऱ्यांना वानखेडे परिवाराकडून दिवाळीच्या हार्दिक शुभेच्छा. ही दिवाळी तुम्हाला आनंदमय आणि भराभराटीची जावो, असा मजकूर या जाहिरातीमध्ये होता. तेव्हादेखील समीर वानखेडे राजकारणाच्या मैदानात उतरतील, अशी शक्यता वर्तविण्यात आली होती. मात्र, त्यानंतर फार काही घडले नव्हते. परंतु, आता समीर वानखेडे यांनी भाजपची मातृसंस्था असलेल्या संघाच्या मुख्यालयाला भेट दिल्याने त्यांच्या भाजप प्रवेशाची चर्चा रंगली आहे.

राजकीय जाणकारांच्या अंदाजानुसार, समीर वानखेडे हे वाशीम जिल्ह्यातून निवडणूक लढवू शकतात. वाशीम – मंगरुळपीर हा मतदारसंघ अनुसूचित जातीसाठी राखीव आहे. हा मतदार संघ भाजपचा बालेकिल्ला आहे. भाजपमध्ये प्रवेश केल्यास समीर वानखेडे या मतदारसंघातून निवडणुकीच्या रिंगणात उतरू शकतात, असा अंदाज आहे.