सोन्याची विक्रमी घोडदौड सुरूच ; जाणून घ्या आजचा भाव

मुंबई : आज कमॉडिटी बाजारात सोन्याचा भाव १० ग्रॅमला ५३४९० रुपये झाला. त्यात ०.०८ टक्के वाढ झाली. ७०० रुपयांनी वधारला असून तो एक किलोला ६५६९० रुपये झाला आहे. सणासुदीमुळे बाजार सुरू होताच
तेजीने वाढले तसेच चांदीच्या किमती मोठी वाढ झाली.

कमॉडिटी बाजारात या आधीच्या सत्रात सोने ६५० रुपयांनी वाढले होते. याआधी सोने सत्रांतर्गत व्यवहारांदरम्यान सोन्याचे दर प्रति दहा ग्रॅमसाठी ५३,८४४ रुपयांवर पोहोचले होते. गुरुवारी बाजार बंद होताना सोने प्रति दहा ग्रॅमसाठी ५३,१३८ रुपयांवर पोहोचले होते. शुक्रवारी दिवसभरात सोन्याने ५३,८४४ रुपयांची उच्चांकी पातळी गाठली होती.

अमेरिकी डॉलरमध्ये घसरण झाल्यानंतर सोन्याच्या भावात तेजी निर्माण झाली आहे. अमेरिकेची अर्थव्यवस्था संकटात सापडल्यानंतर गुंतवणूकदार सुरक्षित गुंतवणूक साधनांत गुंतवणूक करण्यासाठी धडपडत आहेत. चालू आठवड्याच्या सुरुवातीपासूनच सोन्याच्या भावात तेजी दिसून आली. आता ही तेजी दिवाळीपर्यंत तशीच राहण्याची शक्यता आहे. त्यामुळे दिवाळीपर्यंत सोन्याचे भाव ५६,००० रुपयांपर्यंत पोहोचण्याची शक्यता आहे. आंतरराष्ट्रीय बाजारातही सोन्याचे भाव प्रतिऔंस २००० डॉलरपर्यंत पोहोचण्याची शक्यता जाणकार व्यक्त करत आहेत.

देशात करोनाबाधितांची संख्या झपाट्याने वाढत आहे. त्यामुळे अर्थव्यवस्थेवरील संकट आणखी गडद बनले आहे. जागतिक बाजारात स्पॉट गोल्डचा भाव ०.१ टक्क्याने वाढून १९७६.४७ डॉलर प्रती औंस झाला आहे. यापूर्वी सोन्याने १९८४ डॉलर प्रती औंसपर्यंत गेला होता. चांदीच्या किमतीत मात्र थोडी नफावसुली दिसून आली. जागतिक बाजारात चांदीचा भाव ०.१ टक्क्याने घसरला असून तो २४.३५ डॉलर प्रती औंस झाला. जागतिक बाजारात जुलै महिन्यात सोन्याच्या किमतीत ११ टक्के वाढ झाली आहे.

दोन सत्रात चांदी ३००० रुपयांनी महागली चांदीमध्ये २३०० रुपयांची मोठी वाढ झाली होती. दोन दिवसात चांदी ३००० रुपयांनी वाढली आहे. चांदीच्या वायद्यांमध्येही शुक्रवारी जबरदस्त तेजी दिसून आले. सप्टेंबर वायद्यांची चांदी २,२७२ रुपयांच्या तेजीसह प्रति किलो ६४,९४२ रुपयांपर्यंत पोहोचली. सत्रांतर्गत व्यवहारांदरम्यान चांदी ६५,९३० रुपयांवर पोहोचली होती. डिसेंबर वायद्यांची चांदी २,२५३ रुपयांच्या वाढीसह ६६,५६० रुपयांवर आणि मार्च २०२१ वायद्यांची चांदी २,६०५ रुपयांसह ६७,९६० रुपयांच्या पातळीवर पोहोचली.