Lalbaug Murder Case: लालबाग हत्याप्रकरणातील मुख्य आरोपी रिंपल जैन हिला सोमवारी न्यायालयासमोर हजर करण्यात आले होते. यावेळी रिंपलने अनेक गोष्टींचा खुलासा केला.
हायलाइट्स:
- रिंपलने न्यायालयात आईच्या मृतदेहाचे तुकडे केल्याची कबुली दिली
- रिंपल जैन आणि तिची आई वीणा जैन या दोघी पूर्वी विरारमध्ये वास्तव्याला होत्या
- वडिलांच्या निधनानंतर रिंपल आपल्या आईसह लालबागच्या चाळीतील मामाच्या घरी राहण्यासाठी आल्या
रिंपलने न्यायालयात आईच्या मृतदेहाचे तुकडे केल्याची कबुली दिली असली तरी आईची हत्या केल्याचा तिने स्पष्ट शब्दांत इन्कार केला. आईचा मृत्यू झाल्यानंतर मामांकडून मिळणारे पैसे बंद झाले असते, अशी भीती रिंपलला वाटत होती. आपल्या बहिणीचा मृत्यू झाला आहे, हे त्यांना समजले असते तर प्रत्येक महिन्याला त्यांच्याकडून येणारे पैसे बंद झाले असते. त्यामुळे मी आईचा मृत्यू झाल्यानंतर तिचा मृतदेह घरात लपवून ठेवल्याचे रिंपलने पोलिसांना सांगितले. रिंपल जैन हिला सोमवारी दंडाधिकारी न्यायालयासमोर सादर करण्यात आले होते. त्यावेळी पोलिसांनी रिंपलची कोठडी वाढवून मागितली.
Lalbaug Murder: आईचे दोन्ही हात ॲसिडमध्ये टाकले, आग लावली पण घरात प्रचंड धूर झाला; रिंपलचा प्लॅन कसा फसला?रिंपल जैन आणि तिची आई वीणा जैन या दोघी पूर्वी विरारमध्ये वास्तव्याला होत्या. मात्र, वडिलांच्या निधनानंतर रिंपल आपल्या आईसह लालबागच्या चाळीतील मामाच्या घरी राहण्यासाठी आल्या. सुरेश पोरवाल हे रिंपलचे मामा आहेत. यापूर्वी ते आपल्या कुटुंबीयांसह इब्राहिम कासिम चाळीत राहत होते. ते दुसरीकडे राहायला गेल्यानंतर चाळीतील खोली रिकामी होती. त्यामुळे या खोलीत राहण्यास सुरेश पोरवाल यांनी आपल्या बहिणीला परवानगी दिली. ते महिन्याला आपल्या बहिणीला म्हणजे वीणा जैन यांना १० हजार रुपये द्यायचे. वीणा जैन यांचा मृत्यू झाल्याचे उघड झाले असते तर हेच पैसे बंद झाले असते. तसेच रिंपलच्या आईचे काही पैसेही मामाच्या बँक खात्यात होते. वीणा जैन यांचा मृत्यू झाला आहे, हे उघड झाले असते तर रिंपलला या सगळ्या पैशांवर पाणी सोडावे लागले असते. त्यामुळे रिंपलने आईचा मृतदेह लपवून ठेवल्याचे आता समोर आले आहे.
लेकीनं आईला संपवलं, तुकडे केले; ‘त्या’ दोन वेटर्सनी साथ दिली? लालबाग हत्याकांडाचं कनेक्शन यूपी, बंगालपर्यंत
पोलिसांनी वेळीच दखल घ्यायला हवी होती; लेकीच्या न्यायासाठी आई-बापाची आरोपींना फाशी देण्याची मागणी
पोलिसांनी रिंपलची कोठडी वाढवून मागितली
पोलिसांनी न्यायालयाकडे रिंपल जैन हिची कोठडी वाढवून मागितली. रिंपलला आईच्या मृतदेहाचे तुकडे करण्यासाठी तिच्या प्रियकराने मदत केली का, याची चौकशी पोलिसांना करायची आहे. रिंपलच्या अटकेनंतर सँडविच विक्रेता असणारा तिचा प्रियकर मुंबईतून पळून गेला होता. मुंबई पोलिसांनी त्याला उत्तर प्रदेशात जाऊन अटक केली होती. वीणा जैन यांच्या हत्येपूर्वी हा सँडविचवाला सातत्याने रिंपल्या संपर्कात होता. पोलिसांनी रिंपलच्या घरातून फरशी कापण्याची मशीन जप्त केली होती. याच मशिनच्या साहाय्याने रिंपलने आईच्या मृतदेहाचे तुकडे केले होते. हे सगळे तुकडे घरात वेगवेगळ्या ठिकाणी लपवून ठेवण्यात आले होते. वीणा जैन यांच्या धडाचा भाग कपाटातील प्लॅस्टिक पिशवीत होता. तर हातपाय आणि इतर अवयव दोन ड्रम्समध्ये ठेवण्यात आले होते.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
