अनिल जयसिंघानी हा संपर्क साधण्यासाठी सीम कार्डचा उपयोग करत नव्हता. तो इंटरनेटवरून कॉल ( VoIP calls ) करत होता. त्याने वेगवेगळ्या लोकांच्या नावाने डोंगल घेतलेली होती. प्रत्येक ५ ते ६ दिवसांनी तो डोंगल बदलत होता. यामुळे आम्ही जयसिंघानीचा संपूर्ण वर्ष भराचा (VoIP data’s IPDR) इंटरनेट कॉल डाटा तपासला. तिथून आम्ही तपासाला सुरुवात केली, अशी माहिती राजपूत यांनी दिली. CDR प्रमाणे IPDRवरून मोबाइल फोनवरून केलेल्या मेसेज आणि कॉल्स तपासता येतात.
कुख्यात बुकी अनिल जयसिंघानीला गुजरातमध्ये अटक, मुंबई पोलिसांची मोठी कारवाई
पोलिसांनी अनिल जयसिंघानी याच्याकडून दोन मोबाइल फोन आणि दोन डोंगल जप्त केली आहेत. याशिवाय त्याचा नातेवाईक निर्मल जयसिंघानी याच्याकडून आणखी एक मोबाइल फोन आणि डोंगल जप्त केला आहे. तसंच त्यालाही पोलिसांनी अटक केली आहे. त्याच्या चालकाचाही फोन पोलिसांनी जप्त केला आहे.
अमृता फडणवीस यांना धमकी, देवेंद्र फडणवीसांनी विधानसभेत सांगितलं नेमकं काय घडलं
जयसिंघानी हा १३ मार्चला शिर्डीत होता. पण त्याच्या मुलीला पोलिसांनी अटक केल्यानंतर तो गुजरातमध्ये पळाला. जयसिंघानी याला शोधण्यासाठी आणि पकडण्यासाठी पोलिसांची ५ पथकं नेमण्यात आली होती. पोलीस ५ दिवसांपासून त्याचा शोध घेत होते. जयसिंघानी हा गुजरातमध्ये असल्याची तांत्रिक माहिती पोलिसांची तीन पथक बार्डोलीला रवाना झाली. पोलीस पोहोचली पण तिथून तो पळाला. यानंतर जयसिंघानी हा सूरतमध्ये असल्याचे पोलिसांना कळले. पण तिथूनही तो निसटला. भरूच आणि बडोद्या मार्गे कारने निघाला होता. तो गोध्राच्या दिशेने जात असल्याचा पोलिसांना संशय आला. आणि त्याला पोलिसांनी कलोल टोल नाक्यावर रविवारी रात्री पकडले. विशेष म्हणजे गुजरातमधील सूरत, भरूच, गोध्रा आणि बडोद्या पोलिसांनी मुंबई पोलिसांना सहकार्य आणि समन्वय साधला.
