ratnagiri man murder in pune, किरकोळ वादाचा सूड, कोकणातील तरुणाची पुण्यात हत्या, दोन तासात तीन संशयित ताब्यात – maharashtra crime news ratnagiri chiplun man murder in pune mawal over old dispute

रत्नागिरी : पुणे जांभूळ रोडवर झालेल्या किरकोळ वादाचा सूड घेण्यासाठी चिपळूण येथील तरुणाचे अपहरण करून त्याची दगडाने ठेचून हत्या करण्यात आल्याने मोठी खळबळ उडाली आहे. पुणे पोलिसांनी तपासाची चक्रं वेगाने फिरवून केवळ दोन तासांमध्ये तीन संशयित आरोपींच्या मुसक्या आवळल्या आहेत. सौरभ शैलेंद्र मयेकर (वय २१ वर्ष, मूळ गाव रा. वालोपे, ता. चिपळूण, जि. रत्नागिरी, सध्या रा. एक्झर्बिया सोसायटी, जांभूळ, ता. मावळ) असे खून झालेल्या युवकाचे नाव आहे.

तिघांनी सौरभ मयेकरचे अपहरण केले होते. त्यानंतर त्याला साते गावच्या हद्दीतील ओढ्यात नेऊन डोक्यात दगड मारून त्याचा खून केला. ही घटना सोमवारी घडली. त्यानंतर पोलिसांनी अवघ्या दोन तासांत खून करणाऱ्या तिघा आरोपींना अटक केली.

या प्रकरणी व्हिजन सिटी जांभूळ येथील १८ वर्षीय संशयित आरोपी व दोन अल्पवयीन आरोपींना पोलिसांनी अटक केली आहे. यातील एक अल्पवयीन आरोपी जांभूळ तर दुसरा वडगाव माळीनगर येथील रहिवासी आहे.

बाईकसमोर बैल आडवा, तरुणाचा भीषण अपघात; नर्स पत्नीचे शर्थीचे प्रयत्न, पण काळापुढे हात टेकले
पोलिस निरीक्षक विलास भोसले यांनी दिलेल्या माहितीनुसार, सौरभ मयेकर याची आरोपींसोबत जांभूळ रोडवर भांडणे झाली होती. यात सक्षम आनंदे याच्या पाठीवर कटरने वार करण्यात आला होता. या भांडणाचा राग मनात धरून आरोपींनी मयेकर याची गाडी अडवून त्याचे अपहरण केले. ब्राह्मणवाडी साते गावच्या हद्दीत असलेल्या खापरे ओढ्याजवळ नेऊन त्याला मारहाण केली तसेच डोक्यात दगड घालून त्याचा खून केला.

दोन तासांत पोलिसांनी तपासाची सूत्रं फिरवली

खुनाची माहिती मिळाल्यानंतर पोलिस निरीक्षक विलास भोसले यांनी तातडीने दोन पथके तयार केली. मोबाईल लोकेशनच्या आधारे दोन तासांमध्येच तिन्ही आरोपींना पिंपरी- चिंचवड येथून अटक केली. सहायक पोलिस निरीक्षक सुनील जावळे, सुनील मगर, अमोल कसबेकर, आशिष काळे, श्रीशैल कंटोळी, अमोल तावरे, सागर गाडेकर, गणेश होळकर, चेतन कुंभार, महिला पोलिस निर्मला उप्पू, केतकी सपकाळ, अर्चना मोरे, होमगार्ड सुरेश शिंदे या पथकाने ही मोठी कामगिरी केली आहे.

बाबा फोन उचलत नाहीयेत रे, मुंबईहून मुलाचा मित्राला फोन, घरी जाऊन पाहिलं तर आक्रित घडलेलं