कशी आहेस? काय करतेस? बॉडीचे तुकडे करून रिंपलनं आईला ‘जिवंत’ठेवलं; दररोज छान गप्पा मारल्या
‘आई पहिल्या मजल्यावरून पडली. तिचा मृत्यू झाला. तिच्या निधनामुळे मी खूप घाबरले. तिच्या मृत्यूसाठी नातेवाईक मलाच जबाबदार धरतील आणि मला घराबाहेर काढतील, अशी भीती मला वाटत होती. नातेवाईक आमच्या संपत्तीवर कब्जा करतील. बँक बॅलेन्स स्वत:च्या ताब्यात घेतील, अशीदेखील भीती मला वाटली. त्यामुळेच मी सँडविच विक्रेत्या मित्राच्या मदतीनं एक कथा रचली. आईला अर्धांगवायूचा झटका आला आणि ती सँडविचवाल्या बॉबीसोबत कानपूरला उपचारांसाठी गेली असल्याचं मी सगळ्यांना सांगू लागले,’ असं रिंपलनं न्यायालयाला सांगितलं.आईला संपवणाऱ्या लेकीला एकाच गोष्टीची भीती; पहाटे ४ ते मध्यरात्री २ पर्यंत घरात काय घडत होतं?
पोलिसांनी सँडविच विक्रेत्याची सलग तिसऱ्या दिवशी चौकशी केली. रिंपलच्या आईचं निधन झाल्याचं मला माहीत होतं. २७ डिसेंबरला मी रिंपलच्या घरी गेलो. तेव्हा तिची आई बेडवर होती. तुझ्या आईचं निधन झालं आहे, असं मी त्यावेळी रिंपलला सांगितलं होतं. त्यावेळी तिचा प्रतिसाद सकारात्मक होता, असं सँडविच विक्रेत्यानं पोलिसांना सांगितलं. मृतदेहाचे तुकडे करण्यात मी रिंपलला कोणतीच मदत केली नाही, असा दावा त्यानं केला.
समजून घ्या, सायबर फ्रॉड करताना नेमके तुमचे डिटेल्स समोरच्याला कसे मिळतात?
२७ डिसेंबरला रिंपलची आई पहिल्या मजल्यावरून पडली. चाळीखाली असणाऱ्या हॉटेलमधील वेटर्सनी वीणा यांना घरात नेऊन सोडलं. त्यानंतर वीणा कोणालाच दिसल्या नाहीत. त्यामुळे शेजारी, नातेवाईक वीणा यांच्याबद्दल विचारणा करायचे. त्यावर आईला अर्धांगवायूचा झटका आला असून ती सँडविचवाल्या बॉबीसोबत उपचारांसाठी कानपूरला गेल्याची बतावणी रिंपल करायची. सँडविचवाला बॉबी ७ जानेवारी २०२३ रोजी उत्तर प्रदेशला गेला होता. पोलिसांनी त्याला गेल्याच आठवड्यात मुंबईला आणलं.
