दरम्यान ४७ वर्षीय राजेशच्या ४२ वर्षीय पत्नीचा जीव ३३ वर्षीय राजेशमध्ये अडकला. दोघांचे प्रेमसंबंध जुळले. काही दिवसांनी याची कुणकुण महिलेच्या पतीला लागली. त्याच्या तळपायाची आग मस्तकात गेली. त्याने दोघांच्या नातेसंबंधांना कडाडून विरोध केला.
दरम्यान, यामुळे महिला आणि तिचा प्रियकर बिथरले. गेल्या आठवड्यात दोघांनी महिलेच्या पतीचा काटा काढण्याचा निर्णय घेतला. शनिवारी ती हरियाणातील सोनेपत येथे असलेल्या माहेरी जायला निघाली. तिने आपल्या दोन मुलांनाही सोबत घेतलं. निघण्यापूर्वी तिने प्रियकराला पतीचा ठावठिकाणा, त्याचं रुटिन, तो कधी कुठे कसा जातो, याची इत्यंभूत माहिती दिली.
तीन ग्लास, पाण्याची बॉटल न् अर्धवट खाल्लेला वडापाव; पण मृतदेहाची ओळख पटली ‘त्या’ खुणेने
महिलेने प्रियकराला आपल्या घराची अतिरिक्त चावी देऊन ठेवली होती. ती माहेरी जाताच प्रियकर दबक्या पावलांनी चावीने दार उघडत त्यांच्या घरी शिरला. त्यानंतर त्याने महिलेच्या पतीचा चाकूने भोसकून खून केल्याचा आरोप आहे.
रिलसाठी कारमधून नोटा फेकल्या; यूट्यूबरला पोलिसांनी केली अटक
महिला रविवारी दुपारी परतली आणि तिने पोलिसांना फोन करून पतीच्या मृत्यूची माहिती दिली. पोलीस चौकशीत प्रत्यक्षदर्शी साक्षीदारांनी सांगितलं की हत्येच्या दिवशी आरोपी राजेशला त्यांनी विवाहितेच्या घरी जाताना पाहिले होते. पोलिसांनी राजेशची चौकशी केली असता त्याने गुन्ह्याची कबुली दिली, त्यानंतर त्यांनी कट रचल्याप्रकरणी महिलेलाही अटक केली.
ज्या मित्राच्या घरी जेवला, त्याचाच जीव घेतला, मजामस्तीत एक गोष्ट ठरली दोस्तीत कुस्तीचं कारण
