पैसे दुप्पट करून देतो अशा बहाण्याने एका व्यक्तीची फसवणूक होणार असल्याची माहिती शहर पोलिसांना मिळाली होती. सांगली जिल्ह्यातील पलूस येथील दिलीप सावंत यांना प्रसाद टकले याने फोन करून तुम्ही जेवढे पैसे आणाल त्याच्या दुप्पट करून देतो, माझ्याकडे ही रक्कम काळ्या बाजारातून आली आहे, असे सांगितले होते. वेळोवेळी फोन करत दिलीप सावंत यांना विश्वास देण्यात आला होता.सावंत यांचा मुलगा इंजिनिअर असून तो सध्या बेरोजगार आहे त्यामुळे कमी कष्टात अधिक पैसे मिळाले तर बरे, हा विचार दिलीप सावंत यांनी केला आणि ते या सापळ्यात अकडले. या भामट्याने त्यांना बारामतीत फलटण रस्त्यावर भेटीसाठी बोलावले. परंतु तेथे त्यांची भेट घेतली नाही. तत्पूर्वी नातेपुते, फलटण येथेही बोलावून घेतले होते, परंतु तेथेही भेट घेतलेली नव्हती.
पुण्यातील ओशो आश्रमात राडा, घोषणाबाजी करणाऱ्या अनुयायांवर पोलिसांचा लाठीमार
अखेर त्यांच्या भेटीचा दिवस ठरला. सावंत यांनी येताना ३ लाख ९५ हजार रुपयांची रक्कम दुप्पट करून घेण्यासाठी आणली होती. यावेळी एक भामटा एका बॅगेमध्ये वह्या तर दुसऱ्या बॅगेत नोटांचे बंडल घेऊन मोटारीतून (एमएच- ०९, बीबी-४३०७) आला. त्याने रस्त्यातच डिक्कीतील दोन्ही बॅगा फिर्यादीला दाखवल्या. यात लाखो रुपये आहेत, तुम्ही द्याल त्याच्या दुप्पट रक्कम देतो, असे सावंत यांना सांगितले.
यावेळी हे दोघेही एकमेकांना अजमावत होते. तुम्ही आणलेले पैसे द्या, लगेच दुप्पट पैसे देतो असे भामटा सांगत होता. तर तुम्ही बॅग उघडून पैसे मोजून दाखवा असे सावंत म्हणत होते. शहरातील फलटण रस्त्यावर हा प्रकार सुरू असताना शहर पोलिसांना याची माहिती मिळाली. पोलिसांनी तेथे छापा टाकत सावंत यांच्यासह त्यांचा मुलगा व आणखी एकाला पोलिस ठाण्यात आणत चौकशी केली.
सातारा हादरले! इयत्ता आठवीत शिकणाऱ्या दोन मुलांनी संपवले जीवन, पालकांना बसला मोठा धक्का
टकले याच्याकडील बॅगची तपासणी केली असता बॅगेमध्ये प्रथमदर्शनी नोटांचे बंडल दिसून आले. परंतु बारकाईने पाहणी केली असता शंभर नोटांची पाचशे रुपयांची एक गड्डी व अशा एकत्र बपांधलेल्या दहा ते बारा गड्डींचा एक गठ्ठा असे चार गठ्ठे व त्यावर पाचशे रुपयांची एक खरी नोट लावण्यात आली होती. आतमध्ये नोटांचे झेरॉक्स तसेच लहान मुलांच्या खेळण्यातील नोटांचा समावेश होता. पोलिसांनी टकले याचा हा फसवणूकीचा प्रयत्न उधळून लावला.
त्याच्याकडे अधिक चौकशी केली असता गौतम पाटील नावाची व्यक्ती या फसवणूकीमागचा मास्टरमाइंड असल्याचे समोर आले. तो टकले याच्या मोबाईलद्वारे संपर्कात होता. पोलिसांनी टकले याला पकडल्यामुळे तो पसार झाला. गौतम पाटील याचे नावही बनावट असावे, अशी शक्यता पोलिसांनी व्यक्त केली.
कोण आहे ही मुलगी? अमृता खानविलकरने शेयर केला नृत्याचा व्हिडिओ; कोल्हापूरच्या चिमुकलीने मन जिंकलं
ही कारवाई पोलिस अधिक्षक अंकित गोयल, अप्पर अधिक्षक आनंद भोईटे, उपविभागीय पोलिस अधिकारी गणेश इंगळे यांच्या मार्गदर्शनाखाली पोलिस निरीक्षक सुनील महाडीक, हवालदार कल्याण खांडेकर, दशरथ कोळेकर, संजय जाधव, तुषार चव्हाण, शाहू राणे, अशोक जामदार, अक्षय सिताप यांनी केली.
