नवी दिल्ली : अमेरिकेची शॉर्ट सेलर कंपनी हिंडेनबर्ग रिसर्चने २४ जानेवारी २०२३ रोजी अदानी समूहाबाबत एक धक्कादायक अहवाल प्रकाशित केला. हिंडेनबर्गने अदानी ग्रुपवर अनेक धक्कादायक आरोप केले, जे फेटाळण्यात आले. मात्र, अदानी समूहाने जोपर्यंत स्पष्टीकरण जारी केले, तोवर फार उशीर झाला होता. देशांतर्गत शेअर बाजारात समूहाच्या कंपन्यांचे शेअर्स तोंडघशी आपटले, ज्याचा परिणाम स्वतः गौतम अदानी आणि अदानी ग्रुपच्या मार्केट कॅप (बाजार भांडवल) वर झाला. हिंडेनबर्गमुळे अदानी समूहाचे एकूण बाजारमूल्य १४० अब्ज डॉलर्सहून अधिक घसरले होते. दरम्यान हिंडनबर्गच्या अहवालानंतर जवळपास दोन महिन्यांनंतर आता एका मीडिया कंपनीने अदानी ग्रुपबाबत मोठा खुलासा केला.

या अहवालामुळे आता पुन्हा एकदा अदानी समूहावर प्रश्नचिन्ह उपस्थित केले जात आहे. फायनान्शिअल टाइम्सने आपल्या एका अहवालात म्हटले की अदानी समूह ऑफशोअर फंडिंगवर चालत असून अलीकडच्या काळात गौतम अदानींच्या समूहात आलेल्या FDI पैकी निम्मी एफडीआय अदानी कुटुंबाशी संबंधित विदेशी संस्थांमधून आली आहे.

Hindenburg Research: हिंडेनबर्गच्या एका ट्विटने अनेकांच्या पोटात गोळा आला, अदानीनंतर आता कोणाचा नंबर
अदानींच्या लिंक्ड कंपन्या
फायनान्शिअल टाइम्सच्या विश्लेषकांनी भारतातील एफडीआय रेमिटन्स डेटाचे विश्लेषण केले आणि अदानींशी निगडीत ऑफशोर कंपन्यांनी २०१७ ते २०२२ या कालावधीत समूहात किमान २.६ अब्ज डॉलर्सची गुंतवणूक केल्याचे सामोरे आले. तसेच या कालावधीत आलेल्या $५.७ अब्जच्या एकूण FDI च्या ४५.४% आहे.

२०१४ ला अदानी ६०९ क्रमांकावर होते, मग जादू झाली, दुसऱ्या क्रमांकावर कसे पोहोचले? : राहुल गांधी

अस्पष्ट स्त्रोतांकडून समूहाला मिळाला निधी
अहवाल दिलेल्या डेटा तपासल्यावर अज्ञात स्त्रोतांकडून मिळालेल्या निधीने अदानींना त्यांचे विशाल साम्राज्य उभारण्यास कशी मदत केली, हे उघडकीस येते. पंतप्रधान नरेंद्र मोदी यांच्या विकासाच्या अजेंड्याशी जुळवून घेत अदानींनी पायाभूत सुविधा क्षेत्रातील एक दिग्गज म्हणून आपला व्यवसाय वाढवला असून अदानी समूहाशी निगडीत ऑफशोअर संस्थांकडून गुंतवणूक अधिक होण्याची शक्यता आहे कारण FDI डेटा हा परकीय गुंतवणुकीचा केवळ एक भाग दर्शवतो.

अदानी समूहाचे शॉर्ट सर्किट! हिंडेनबर्गचे धक्के सुरूच, कर्जाचं भार हलकं करताना हातून निसटले प्रकल्प
हिंडेनबर्गचा स्टॉक मॅनिप्युलेशनचा आरोप
अदानी समूहाच्या वेगवान वाढीमुळे शंका निर्माण करण्यात आली. गेल्या वर्षी कॉर्पोरेट शेअर्समध्ये झालेल्या बंपर तेजीमुळे गौतम अदानी काही काळासाठी जगातील दुसरे श्रीमंत व्यक्ती बनले, पण हिंडेनबर्गने जानेवारीत आपला अहवाल प्रसिद्ध केल्यावर अदानीच्या वाढीला तडा गेला. अदानींच्या कंपन्यांचे ८५ टक्के ओव्हरव्हॅल्युड असल्याचा अहवालात दावा करण्यात आला. यासोबतच अदानी ग्रुपवर शेअर्समध्ये फेरफार केल्याचा आरोपही करण्यात आला होता. तसेच अदानींच्या ७ सूचीबद्ध कंपन्यांच्या शेअर्सच्या किमतींमध्ये फेरफार करण्यासाठी आणि बॅलन्स शीट मजबूत करण्यासाठी मॉरिशसस्थित सेल कंपन्यांचे जटिल नेटवर्क वापर करण्यात आल्याचे बोलले गेले.

अदानी समूहाच्या $५.७ अब्ज FDI पैकी जवळपास अर्धा भाग समूहाशी जोडलेल्या अज्ञात परदेशी संस्थांकडून आला असून सप्टेंबर २०२२ पर्यंत अदानी समूह FDI च्या स्वरूपात येणारा भारतातील सर्वात मोठा निधी प्राप्त करणारा होता. देशात ६% आवक झाली तर १२ महिन्यांच्या कालावधीत समूहाच्या $२.५ अब्ज एफडीआयपैकी $५२६ दशलक्ष हे अदानी कुटुंबाशी संबंधित असलेल्या दोन मॉरिशस कंपन्यांकडून आले. तर, अबू धाबीच्या इंटरनॅशनल होल्डिंग कंपनीकडून सुमारे $२ अब्ज आले.

हिंडेनबर्गचा अहवाल भोवला; गौतम अदानींना अखेर सांगाव लागलं, भाऊ विनोद यांचा ग्रुपशी संबंध तरी काय?
विनोद अदानींशी लिंक्ड कंपन्या
लक्षणीय आहे की समूहात FDI आणणाऱ्या बहुतांश ऑफशोर शेल कंपन्या स्वत:ला अदानीच्या प्रवर्तक समूहाचा भाग असल्याचा दावा करतात. म्हणजे त्या कंपन्या अदानी किंवा त्याच्या कुटुंबाशी जोडल्या गेल्या आहेत. गौतम अदानींचे मोठे भाऊ विनोद अदानी यांच्याशी प्रत्यक्ष किंवा अप्रत्यक्षपणे जोडलेल्या दोन कंपन्यांकडून सर्वाधिक गुंतवणूक आली. इमर्जिंग मार्केट इन्व्हेस्टमेंट्स DMCC, जे त्यांच्या वेबसाइटवर नमूद करते की ते फक्त विनोद अदानी यांच्या फंडात गुंतवणूक करते.

२०१७ ते २०१८ दरम्यान त्यांनी अदानीच्या कंपन्यांमध्ये $६३१ दशलक्ष गुंतवणूक केली असून मॉरिशसमध्ये नोंदणीकृत गार्डेनिया ट्रेड अँड इन्व्हेस्टमेंटने २०२१ आणि २०२२ मध्ये अदानीच्या कंपन्यांमध्ये $७८२ दशलक्ष गुंतवणूक केली. सुबीर मित्रा, व्यवस्थापक, इमर्जिंग मार्केट्स, हे त्याचे संचालक आहेत.

LEAVE A REPLY

Please enter your comment!
Please enter your name here