सी पी जोशी यांच्यावर राजस्थानची जबाबदारी
राजस्थानमध्ये खासदार सी पी जोशी यांच्यावर पक्षानं जबाबदारी दिली आहे. पुनिया यांचा कार्यकाळ यापूर्वीच संपला होता. तरीदेखील पक्षानं त्यांना कार्यकाळ वाढवून दिला होता. मात्र, विधानसभा निवडणुकीपूर्वी भाजपनं प्रदेशाध्यक्ष बदलेल आहेत. चंद्र प्रकाश जोशी चितौडगड येथून खासदार असून दोनवेळा खासदार म्हणून निवडून आले आहेत. त्यांनी भाजयुमोचं अध्यक्षपद देखील भूषवलं आहे. बिहारचे भाजपचे नवनिर्वाचित प्रदेशाध्यक्ष सम्राट चौधरी तीन वेळा कॅबिनेट मंत्री राहिले आहेत. भाजपमध्ये येण्यापूर्वी त्यांनी राजद आणि जदयूमध्ये काम केलं आहे.
वीरेंद्र सचदेवांवर दिल्लीची जबाबदारी
दिल्ली महापालिका निवडणुकीत पराभव झाल्यानंतर भाजप प्रदेशाध्यक्ष आदेश गुप्ता यांनी राजीनामा दिला होता. त्यांच्या राजीनाम्यानंतर भाजपनं आता वीरेंद्र सचदेवा यांची नियुक्ती केली आहे. १९९० पासून ते भाजपमध्ये कार्यरत आहेत.
मनमोहन सामल यांच्यावर ओडिशाची जबाबदारी
भाजपनं समीर मोहंती यांच्या जागी प्रदेशाध्यक्ष पदाची जबाबदारी मनमोहन सामल यांच्यावर दिली आहे. मोहंती यांचा कार्यकाळ पूर्ण झाल्यानंतर सामल यांना नवी जबाबदारी देण्यात आली आहे.
