गृह विम्याचे फायदे
आजच्या काळात अनेक विमा कंपन्या घर आणि दुकानाचा विमा यासारखी उत्पादने घेऊन आल्या आहेत. हा विमा तुमच्या घरासाठी आणि दुकानासाठी संरक्षक कवच बनतो. तर घराचे किंवा घरातील साहित्याचे नुकसान झाल्यास तुम्हाला होणारा आर्थिक धक्का यामुळे कमी होतो. तसेच पूर, भूकंप, आग आणि वीज पडणे यांसारख्या नैसर्गिक आपत्तींमुळे किंवा चोरी, डकैती, दंगली यासारख्या कारणांमुळे घराचे नुकसान होऊ शकते. अशा स्थितीत विमा कंपनी तुमच्या नुकसानीची भरपाई करते. गृह विमा तुमच्या घराला सुरक्षा कवच देऊन तुम्हाला तणावमुक्त राहण्यास मदत करतो.
प्रवास विम्याच्या या सुविधांबद्दल तुम्हाला माहित्येय का? जाणून घ्या महत्वाच्या गोष्टी
गृह विम्यामध्ये काय समाविष्ट असते?
सामान्यतः दोन प्रकारचे गृह विमा असतात. पहिला घराचा विमा आणि दुसरा म्हणजे घरातील वस्तूंचा विमा. घरातील वस्तूंच्या विम्यामध्ये इलेक्ट्रॉनिक उत्पादने, फर्निचर, दागिने आणि इतर मौल्यवान वस्तूंचा समावेश होतो, ज्याला कंटेंट इन्शुरन्स म्हणतात. तर या उलट दुसऱ्या प्रकारच्या विम्यात घराचे म्हणजेच इमारतीचे झालेले नुकसान कव्हर केले जाते. याला संरचना विमा संरक्षण म्हणतात. याव्यतिरिक्त, सर्वसमावेशक गृह विम्याचा पर्याय देखील आहे, ज्यामध्ये घर आणि घरातील वस्तूंचा समावेश होतो.
आता जीवन विमाही तुमचा खिसा कापणार! बजेटमध्ये मोठी घोषणा, काय-काय बदलले घ्या जाणून
गृह विमा तुम्ही घ्यावा का?
सध्या जगभरात अनेक प्रकारचे बदल होत आहेत. तुर्कीमधील जीवघेण्या भूकंपानंतर जगातील अनेक ठिकाणी भूकंप तर कुठे भूस्खलनाची समस्या सतावत आहे. नुकतेच जोशीमठचे अनेक लोक बेघर झाल्याचे तुम्ही पाहिले असेल. अशा स्थितीत घरासाठी योग्य विमा करून घेणे योग्य निर्णय ठरू शकतो. ठिकाण लक्षात घेऊन विमा घेणे आवश्यक आहे. स्ट्रक्चर पॉलिसी जितकी महत्त्वाची आहे, तितकेच घरातील वस्तूंचा विमा घेणेही महत्त्वाचे आहे. अनेक धोरणांमध्ये नैसर्गिक आपत्ती आणि इतर कारणांव्यतिरिक्त दहशतवादी घटनांमुळे होणारे नुकसान देखील समाविष्ट केले जाते.
विमा पॉलिसी घ्यायचीये? IRDAI ने लागू केलीय नवीन नियमावली, घ्या जाणून एका क्लिकवर
गृह विम्याचा प्रीमियम
गृह विमा पॉलिसी तुमच्या घराला आणि त्यातील वस्तूंना परवडणाऱ्या प्रीमियममध्ये संरक्षण देतात. भारताचे गृह संरक्षण धोरण हे एक मानक धोरण असून विविध विमा कंपन्या हा विमा देतात. यात घर आणि घरगुती दोन्ही वस्तूंचा समावेश होतो. तर त्याचा प्रीमियम २,५०० ते ५,००० रुपयांपर्यंत आहे. वेगवेगळ्या कंपन्यांच्या उत्पादनांची आणि त्यांच्या वैशिष्ट्यांची तुलना करून तुम्ही सर्वात योग्य विमा खरेदी करू शकता. तसेच तुम्ही एक किंवा अधिक वर्षांसाठी गृह विमा खरेदी करू शकता. तर घर खरेदी करताना तुम्हाला दीर्घकालीन विमा घेण्याचाही सल्ला दिला जातो.
