गजानन कीर्तिकर सर्वात शेवटी आले संधी पटकावली
जुलै २०२२ मध्ये राष्ट्रपती पदाची निवडणूक पार पडल्यानंतर शिवसेनेच्या महाराष्ट्रातील १८ खासदारांपैकी १२ खासदारांनी एकनाथ शिंदे याच्या गटात जाण्याचा निर्णय घेतला होता. गजानन कीर्तिकर हे काही काळ उद्धव ठाकरे यांच्यासोबत राहिले होते. उद्धव ठाकरे यांनी काँग्रेस आणि राष्ट्रवादी काँग्रेसची साथ सोडावी आणि भाजपसोबतही न जाता स्वतंत्रपणे भूमिका घ्यावी, असं मत सार्वजनिकपणे मांडलं होतं. 
अजून काहीही बिघडलेलं नाही, उद्धवजी पुन्हा एकदा शांतपणे विचार करा; फडणवीसांच्या भेटीनंतर ठाकरेंना सभागृहातच ऑफर
उद्धव ठाकरे यांनी मविआमध्येच राहण्याचा निर्णय घेतल्यानं अखेर गजानन कीर्तिकर यांनी एकनाथ शिंदे यांच्या गटात जाण्याचा निर्णय घेतला. सर्वात शेवटी एकनाथ शिंदे यांच्या गटात दाखल झालेल्या गजानन कीर्तिकर यांना संसदीय नेतेपदी संधी मिळाली आहे. काही दिवसांपूर्वी गजानन कीर्तिकर यांना केंद्रात मंत्रिपद मिळेल, अशा देखील चर्चा सुरु होत्या. अखेर आज एकनाथ शिंदे यांनी गजानन कीर्तिकर यांची ससंदीय गटनेतेपदी नियुक्ती केली आहे.
छापेमारीत पोलिसांनी नवजात बाळाला चिरडले, चार दिवसांच्या अर्भकाचा मृत्यू, सहा जणांवर गुन्हा
संजय राऊत यांनी गेल्या काही दिवसांपासून शिंदे गटातील नेत्यांविरोधात जोरदार आघाडी घेतली होती. मंत्री दादा भूसे यांच्यावर भ्रष्टाचाराचे आरोप देखील राऊत यांनी केले होते. त्यानंतर, त्यांच्या जागी तातडीनं गजानन कीर्तिकर यांची नियुक्ती करण्यात आली आहे.
लोकसभा निवडणुकीला १ वर्ष असताना भाजपनं भाकरी फिरवली, पक्षाची सत्ता नसलेल्या राज्यांबाबत मोठा निर्णय
