मनसे नेते राज ठाकरे यांनी आपल्या भाषणामध्ये सांगितल्या जुन्या कुपवाड रोडवरील मंगलमूर्ती कॉलनी येथे बेकायदेशीररित्या मशीद उभारण्यात् येत असल्याचा मुद्दा उपस्थित केला होता. त्यानंतर सांगली महापालिकेच्या विभागाकडून या ठिकाणी नगररचना विभागाच्या माध्यमातून सदर जागेची मोजणी करण्यात आली होती. महापालिका आयुक्त सुनील पवार यांनी सदर जागेवर बांधण्यात येणारे बांधकाम हे अनधिकृत असल्याचे स्पष्ट केले आहे.सदरच्या जागेवर सांगली महापालिकेच्या शाळेचं आरक्षण आहे,सुमारे सव्वा एकर क्षेत्रावर हे आरक्षण आहे. तसेच मशीद बांधकाम अनधिकृत असल्याचा ठपका ठेवून तात्काळ या ठिकाणचं अतिक्रमण काढण्यात येणार असल्याचं महापालिका आयुक्त सुनील पवार यांनी स्पष्ट केले आहे.
नोटांचं बंडल आणि स्वतःलाच श्रद्धांजली, व्हॉट्सअप स्टेटस ठेवत तरुणाचं मध्यरात्री टोकाचं पाऊल
महापालिका आयुक्त पवार यांच्या निर्णयानंतर आता घटनास्थळी प्रचंड पोलीस बंदोबस्त तैनात करण्यात आला आहे. त्याचबरोबर या ठिकाणी आता महापालिकेच्या उपायुक्त स्मृती पाटील या अतिक्रमण विरोधी पथकासह दाखल झाल्या असून या ठिकाणी जागेवर असणारे बांधकाम पाडण्याची कारवाई सुरू झाली आहे .या जागेवरील बंदिस्त पत्र्याच्या शेडचे कुलूप काढून पोलीस अधिकारी कर्मचारी तसेच अतिक्रमण विरोधी पथक आणि उपायुक्त स्मृती पाटील या दाखल झाल्या आहेत.
भाजपच्या माजी नगरसेवकाच्या हत्येचे गूढ उकलले; भाजपचाच नेता निघाला मास्टरमाइंड, ४ जणांना अटक
या ठिकाणी असणारे सीसीटीव्ही देखील काढण्यात आलेले आहेत. बांधकाम आहे, त्या ठिकाणी स्वच्छतागृह आणि आतील पत्र्याचे शेड
पाडण्यात येत आहे. सध्या या ठिकाणी तणावपूर्ण शांतता असून प्रचंड पोलीस बंदोबस्त तैनात करण्यात आला आहे.
राज ठाकरेंच्या भाषणानंतर सांगलीतील मशिदीचा मुद्दा तापला, पालिका ॲक्शन मोडमध्ये, जागेचं मोजमाप सुरु
दरम्यान, राज ठाकरे यांच्या कालच्या सभेतील इशाऱ्यानंतर मुंबईतील माहिम येथील समुद्रात असणारी मजार देखील हटवण्यात आली आहे.
