मंगळवारी म्हणजे २१ मार्च रोजी कापसाच्या दरात ४० रुपयांनी वाढ होऊन ७ हजार ८७५ पासून ८ हजार २९५ रूपयांपर्यत प्रतिक्विंटल प्रमाणे कापसाचे भाव होते. अशा प्रकारे मागील तीन दिवसात कापसाच्या दरात ५५ रुपयांनी वाढ झाली आहे. अकोल्याच्या कृषी उत्पन्न बाजार समितीमध्ये आज कापसाला ७ हजार ७०० पासून ८ हजार ११८ रूपयांपर्यत भाव होता. सरासरी भाव ७ हजार ८०० रुपये इतका मिळाला. पण इथे कापसाची आवक अतिशय कमी होती.
भाजपने राहुल गांधींच्या प्रतिमेला जोडे मारले, अजितदादा खवळले, सत्ताधाऱ्यांना झाप झाप झापले!
अकोल्यात तुरीचे दर स्थिरावले असून आज अकोल्याच्या कृषी बाजारात तुरीला ६ हजारापासून ८ हजार ४५० रूपयांपर्यंत प्रतिक्विंटल प्रमाणे भाव मिळाला. सरासरी भाव ७ हजार ९०० इतका असून २ हजार ४६६ क्विंटल तुरीची खरेदी झाली आहे. मंगळवारी तुरीचे दर कमीत कमी ५ हजार ५०० पासून जास्तीत जास्त ८ हजार ५०५ रूपयांपर्यंत होते. गेल्या चार ते पाच दिवसाच्या तुलनेत तुरीच्या आवकमध्ये वाढ झाली असून आज पुन्हा तुरीच्या दरात ५५ रुपयांनी घसरण झाली आहे. तर, अकोटच्या बाजारात तुरीला ७ हजार ६०० पासून ८ हजार ३५५ रूपांपर्यंत प्रतिक्विंटल प्रमाणे भाव मिळाला असून इथे ६० रुपयांनी तुरीच्या दरात वाढ झाली आहे. तर तुरीची आवक ९२५ इतकी क्विंटल झाली होती.
पाकिस्तानच्या खेळाडूला विष देऊन मारण्याचा प्रयत्न होता, पण शाहिद आफ्रिदीने कसं वाचवलं पाहा…
अकोल्यात हरभऱ्याला कमीत कमी ४ हजार पासून जास्तीत जास्त ४ हजार ८४५ इतका भाव मिळाला असून सरासरी भाव ४ हजार ५०० इतका होता. अन् हरभऱ्याची आवक ४ हजार २६६ इतकी क्विंटल इतकी झाली. तसेच पांढऱ्या हरभऱ्याला ९ हजार २०५ रूपयांपर्यंत भाव होता. तर लोकल गव्हाला २ हजार पासून जास्तीत जास्त २ हजार ६५५ इतका असून सरासरी भाव २ हजार ३२५ रूपये इतका होता. अकोटच्या बाजारात ४ हजार ३७५ पासून ४ हजार ८५० रूपयांपर्यंत प्रतिक्विंटल प्रमाणे हरभऱ्याला भाव मिळाला. इथे १ हजार ५३० इतकी क्विंटल हरभऱ्याची खरेदी झाली आहे.
राज ठाकरेंच्या भाषणानंतर सांगली पालिका ॲक्शन मोडमध्ये, अनधिकृत मशीद बांधकामावर तोडक कारवाई
