न्यूयॉर्क : अदानी उद्योग समुहासंदर्भात २४ जानेवारीला अहवाल प्रसिद्ध करणाऱ्या हिंडेनबर्ग रिसर्च संस्थेमुलं गौतम अदानी यांना मोठं नुकसान सहन करावं लागलं होतं. गौतम अदानी यांच्या कंपन्यांचे शेअर्स हिंडेनबर्गचा रिसर्च आल्यानंतर गडगडले होते. हिंडेनबर्ग अहवालाच्या धक्क्यातून अदानी ग्रुप अजून सावरलेला नाही. ही परिस्थिती असताना हिंडेनबर्ग रिसर्चच्या ट्विटर अकाऊंटवरुन काल नव्या अहवालाबद्दल घोषणा करण्यात आली. सर्वांचं लक्ष हिंडेनबर्ग आता कुठल्या उद्योगपतीबद्दल अहवाल जारी करणार अशी उत्सुकता लागून राहिली होती. यावेळी हिंडेनबर्ग रिसर्चच्या निशाण्यावर गौतम अदानी नसून ट्विटरचा संहंस्थापक असलेल्या जॅक डॉर्सी यांच्या ब्लॉक आयएनसी संदर्भात जारी केला. त्यानंतर अदानी समुहाप्रमाणं ब्लॉक आयएनसीचे शेअर्स गडगडले आहेत.

हिंडेनबर्ग रिसर्चनं ब्लॉक आयएनसी या संस्थेबद्दल अहवाल जारी करत गंभीर आरोप केला आहे. हिंडेनबर्ग रिपोर्टच्या अहवालानुसार जॅक डॉर्सी यांच्या ब्लॉक आयएनसीनं बनावट पद्धतीनं वापरकर्त्यांची संख्या वाढवली आणि ग्राहक मिळवण्याचा खर्च कमी केला, असा आरोप अहवालात करण्यात आला. हिंडेनबर्गनं ब्लॉक आयएनसी बद्दल अहवाल जारी केल्याचं कळताच कंपनीच्या शेअर्समध्ये २० टक्केंची घसरण झाली. गेल्या वर्षी कंपनीच्या शेअर्समध्ये ५७ टक्के घसरण झाली होती,

हिंडेनबर्गनं जारी केलेल्या अहवालानुसार ब्लॉकची चौकशी सुरु आहे. गेल्या दोन वर्षांच्या चौकशीतून असं दिसून येतं की कंपनीनं व्यवस्थितपणे लोकसंख्येचा फायदा उठवला जो चुकीचा असल्याचं हिंडेनबर्ग रिपोर्टनं म्हटलं आहे. गुंतवणूकदारांची फसवणूक करण्यात आल्याचं रिपोर्टमध्ये म्हटलं आहे. तर, कंपनीच्या कॅश अॅप प्रोग्राममध्ये त्रुटी काढल्या आहेत.

कामाला का गेला नाहीस? विचारल्याने पोराच्या डोक्यात राग; पुण्यात आईला संपवलं

जॅक डोर्सीनं २००९ मध्ये ब्लॉक आयएनसीची स्थापना केली होती. ही कंपनी तंत्रज्ञान क्षेत्राशी संबंधित आहे. ब्लॉक आयएनसी पहिल्यांदा स्क्वेअर नावानं ओळखली जात होती. कंपनीची मार्केट कॅफ ४४ अब्ज डॉलर इतकी आहे.

२४ तासांत अमर्याद प्रवास, मोजा फक्त ८० रुपये, मुंबई मेट्रो प्रवाशांसाठी खुशखबर
हिंडेनबर्ग रिसर्चनं जानेवारी २०२३ मध्ये अदानी ग्रुपसंदर्भात अहवाल जारी केला होता. त्यानंतर अदानी समुहाला ६० टक्के संपत्ती गमवावी लागली. नॅथन अँडरसन यांच्या नेतृत्त्वातील हिंडेनबर्ग रिपोर्टनं २०१७ पासून आतापर्यंत १७ कंपन्यांबाबत अहवाल जारी केले आहेत.

आयपीएल सुरु होण्यापूर्वीच वाद… इंग्लंडने स्टार खेळाडूला खेळण्याची परवानगीच नाकारली

LEAVE A REPLY

Please enter your comment!
Please enter your name here