म. टा. प्रतिनिधी, पुणेः दगडूशेठ गणपती मंदिराच्या एका पदाधिकाऱ्याला जम्मू काश्मिरवरून कुरिअरने आलेल्या एका पार्सलमुळे सोमवारी पोलिसांची चांगलीच धावपळ उडाली. पार्सल संशयास्पद असल्यामुळे त्याला रमनबाग मैदानावर नेले. त्या ठिकाणी श्वानाच्या मदते पार्सल उघडल्यानंतर त्यामध्ये आकरुड व केशर निघाल्यानंतर पोलिसांनी सुटकेचा निश्वास टाकला.

दगडूशेठ मंदिराचे पदाधिकारी महेश सुर्यंवशी यांना सोमवारी मारुती कुरिअरने एक पार्सल आले होते. त्याच्यावर जम्मू काश्मिर येथील पत्ता होता. त्यामुळे त्यांना पार्सलबाबत संशय आला. त्यांनी थेट पोलिस नियंत्रण कक्षाला फोन करून संशयास्पद पार्सलची माहिती दिली. ही माहिती मिळताच नियंत्रण कक्षाकडून बॉम्ब शोधक व नाशक पथकाला (बीडीडीएस) पथकाला कळविण्यात आले. पूर्वी देखील स्फोटक असलेली पार्सल आल्यामुळे पोलिसांकडून विशेष काळजी घेण्यात आली. बीडीडीएसच्या पथकाने सुर्यवंशी यांच्या घरी धाव घेतली. त्यांनी त्या स्फोटकाची पाहणी केली.

सुरक्षिततेच्या कारणावरुन बीडीडीएसने तो पार्सलचा बॉक्स रमनबाग मैदानावर मोटारीतून नेला. त्या ठिकाणी बॉम्बसुट घालून किटच्या सहाय्याने त्याची तपासणी करण्यात आली. त्यावेळी त्यामध्ये स्फोटके नसल्याचे दिसून आले. यानंतर बॉक्स उघडून पाहिला असता त्यामध्ये केशर व आकरूड निघाले. त्यानंतर पोलिसांनी सुटकेचा निश्वास टाकला. त्या बॉक्सवर असलेल्या व्यक्तीची माहिती काढून त्याला संपर्क केला. त्यावेळी लष्करात जवान असलेल्या महादेव पवार यांनी हे पार्सल सुर्यवंशी यांना पाठविल्याचे सांगितले. पवार यांना गणपतीची मुर्ती पाठविल्यामुळे त्यांनी २२०० रुपयांचा केशर व आकरूड पाठविले. पण, दुकानदाराने पवार यांच्या ऐवजी त्याचे नाव टाकल्यामुळे हा गोंधळ झाल्याचे चौकशीत समोर आले आहे. बीडीडीएसने ते पार्सल विश्रामबाग पोलिसांकडे दिले आहे.

Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times

5 COMMENTS

  1. I always spent my half an hour to read this web site’s articles or reviews daily along with a mug of coffee.

  2. Like!! I blog quite often and I genuinely thank you for your information. The article has truly peaked my interest.

LEAVE A REPLY

Please enter your comment!
Please enter your name here